દેશી બજેટમાં વિદેશી સફરઃ કયા બજેટ માટે કઇ જગ્યા છે પરફેક્ટ, અહીં મળશે સંપૂર્ણ લિસ્ટ

Tripoto
Photo of દેશી બજેટમાં વિદેશી સફરઃ કયા બજેટ માટે કઇ જગ્યા છે પરફેક્ટ, અહીં મળશે સંપૂર્ણ લિસ્ટ 1/2 by Paurav Joshi

ટ્રાવેલિંગ ફક્ત તમારા મગજને રિલેક્સ જ નથી કરતું પરંતુ તમે અંદરથી પણ તાજગી અનુભવો છો. જ્યારે તમે વિદેશ ફરવા જાઓ છો તો તેની તાજગી અલગ જ હોય છે, માનવામાં આવે છે કે વિદેશમાં ફરવાનું મોંઘુ છે અને આ કારણે તે પ્લાન ડ્રોપ થઇ જાય છે. પરંતુ જો હું કહું કે તમે વિદેશમાં ફરી શકો છો અને તે પણ ભારતવાળા બજેટમાં...! હવે બજેટ બજેટ કરીને રડવાનું છોડો. અમે આવી કેટલીક જગ્યાઓ અંગે તમને જણાવી રહ્યા છીએ.

Photo of દેશી બજેટમાં વિદેશી સફરઃ કયા બજેટ માટે કઇ જગ્યા છે પરફેક્ટ, અહીં મળશે સંપૂર્ણ લિસ્ટ 2/2 by Paurav Joshi

ભૂટાન

1. ભૂટાન

ભૂટાન પોતાની સુંદરતા અને મોહકતા માટે જાણીતું છે. આ દેશને લેન્ડ ઑફ ધ ડ્રેગંસ અને ડ્રક યૂલના નામે ઓળખવામાં આવે છે. ભૂટાન તમે ફ્લાઇટથી આવી શકો છો પરંતુ જો બજેટ ટ્રિપ કરવા માંગો છો તો પશ્ચિમ બંગાળથી રોડ માર્ગે આવો. ભૂટાનમાં મોંઘી હોટલના બદલે હોમસ્ટે અને હૉસ્ટેલમાં રોકાઓ.

શું કરોઃ ભૂટાનમાં જોવા લાયક ઘણું બધુ છે. પારોમાં તક્સાંગ પલફુગ મઠ અને પુનાખા દજોંગ જઇ શકો છો. પારો ખીણમાં કયાકિંગનો આનંદ લઇ શકો છો. થિમ્ફૂમાં દોચુલા પાસ સુધી આરામથી જઇ શકો છો. પારોમાં જ રાષ્ટ્રીય સંગ્રહાલયમાં ભૂટાનની સંસ્કૃતિને જાણો, ભૂટાનના ગામમાં સાઇકલની યાત્રા કરો.

સમયઃ 6 થી 7 દિવસ

ખર્ચઃ ₹20,000 પ્રતિ વ્યક્તિ

થાઇલેન્ડ

2. થાઇલેન્ડ

સુંદર સમુદ્ર કિનારો, આધુનિકતા, અહીંના સુંદર શહેર, સ્ટ્રીટ ફૂડ અને બૌદ્ધ સંસ્કૃતિ, આજ તો છે થાઇલેન્ડની ઓળખ. ટૂરિસ્ટ્સને આ બધુ આકર્ષિત કરે છે. અહીં આવવાનું દરેક ટૂરિસ્ટનું સપનું હોય છે. અહીં બજેટમાં તમે સુંદર હોટલમાં આરામ કરી શકો છો.

શું કરોઃ થાઇલેન્ડની રાજધાની છે બેંગકોક. બેંગકોકની રાતમાં નવી નવી જગ્યાએ જાઓ. બેંગકોકમાં જ ગ્રાન્ડ પેલેસ અને બુદ્ધના મંદિરમાં જાઓ. જેના માટે થાઇલેન્ડ ઓળખાય છે. આ ઉપરાંત, પણ ફી ટાપુ જાઓ. થાઇલેન્ડના થાઇ મસાજ તો વર્લ્ડ ફેમસ છે. પાણી પર તરતા બજારોની સેર કરો.

સમયઃ 6 થી 7 દિવસ

ખર્ચઃ ₹35,000

નેપાળ

3. નેપાળ

જો તમે ભારત બહાર ફરવાનું વિચારી રહ્યા છો તો તમારે સૌથી પહેલા એવા દેશ જવું જોઇએ જ્યાં વીઝા કે પાસપોર્ટ વગર એકદમ આરામથી જઇ શકાય. આવો જ સુંદર દેશ છે નેપાળ. નેપાળ આમ તો ઘણી સુંદરતાથી ભરેલો છે, આ જ દેશમાં માઉન્ટ એવરેસ્ટ છે.

અહીંયા શું કરશોઃ અહીં મોટાભાગે લોકો એવરેસ્ટ સુધી જવા માટે આવે છે. આ ઉપરાંત, અહીં બૂઢાનાથ સ્તૂપ સુધીની યાત્રા કરી શકો છો, સુંદર ચિતવન નેશનલ પાર્ક જોઇ શકો છો. કાઠમંડૂ ખીણમાં બાઇક ચલાવો, કાઠમંડૂના ચોકમાં હરો ફરો, અહીંની કાશી નદીમાં રાફ્ટિંગ કરો, કાઠમંડૂના કોપન મઠ જાઓ. પાટણ શહેરને જુઓ, ફેમસ પશુપતિનાથ મંદિર જાઓ.

સમયઃ 6 થી 7 દિવસ

ખર્ચઃ ₹20,000 પ્રતિ વ્યક્તિ

શ્રીલંકા

4. શ્રીલંકા

શ્રીલંકા ભારતનો પડોશી દેશ છે અને સંસ્કૃતિ પણ ઘણી મળતી આવે છે. શ્રીલંકામાં સુંદર સમુદ્ર કિનારો છે જ્યાં તમે આરામથી પોતાની રજાઓ પસાર કરી શકો છો. કોલંબોમાં રોકાવા માટે બજેટમાં ઘણી બધી હોટલો પણ છે.

શું કરોઃ શ્રીલંકામાં સ્થાનિક માછીમારો સાથે માછલી પકડવા માટે જાઓ, સિગિરિયાના પ્રાચીન ખંડેરોની યાત્રા કરો, એલામાં લિટિલ એડમના શિખરો સુધી જાઓ. કોલંબોમાં વિહાર બૌદ્ધ મંદિર અને હિક્કાડુવામાં સ્કૂબા ડ્રાઇવિંગ કરો.

સમયઃ 4 થી 5 દિવસ

ખર્ચઃ ₹25,000 પ્રતિ વ્યક્તિ

સિંગાપુર

5. સિંગાપુર

દુનિયાની આર્થિક કેપિટલ સિંગાપુર હજુ સુધી ટૂરિસ્ટ માટે એક બજેટ આઇડિયલ ડેસ્ટિનેશન છે. આનું કારણ છે અહીંની શાનદાર હોસ્ટેલ. અહીં ઘણી એવી હોસ્ટેલ છે જે ટૂરિસ્ટને એક રાત માટે ₹1000થી ઓછામાં રહેવા દે છે. આ ઉપરાંત, પબ્લિક ટ્રાન્સપોર્ટ પણ બજેટમાં ફિટ બેસે છે.

શું કરશોઃ અહીં ફ્યૂચરિસ્ટિક મરીન બે, સિંગાપુર પ્રાણીસંગ્રહાલયની મુલાકાત લો અને નેશનલ ઑર્કિડ ગાર્ડનની સુંદરતાનો આનંદ લો. આઇકોનિક ચાઇનાટાઉન અને યૂનિવર્સલ સ્ટૂડિયોની પણ મુલાકાત લઇ શકો છો. અહીં સેંટોસા ટાપુ પર આરામ કરી શકો છો.

સમયઃ 4 દિવસ

ખર્ચઃ ₹30,000-40,000

કેન્યા

5. કેન્યા

આમ તો માનવામાં આવે છે કે કેન્યા કોઇ ટૂરિસ્ટ પ્લેસ નથી, પરંતુ આ દેશ ઘણો જ સુંદર છે. અહીં ગાઢ જંગલ છે જે તમારી સફરને રોમાંચથી ભરી દે છે. અહીંના જંગલોના વન્યજીવ જોઇને તમે ઉત્સાહથી ભરાઇ જશો.

શું કરશોઃ કેન્યામાં મસાઇ મારા નેશનલ રિઝર્વમાં સફારી, નૈરોબી નેશનલ મ્યૂઝિયમ અને કરેન બ્લિક્સન મ્યૂઝિમયને જોઇ શકો છો. કેન્યાના પારંપારીક ગામ બોમાસની યાત્રા જરુર કરો.

સમયઃ 4 થી 5 દિવસ

ખર્ચઃ ₹60,000 પ્રતિ વ્યક્તિ (3 દિવસના સફારી પેકેજ સહિત)

વિયેતનામ

6. વિયેતનામ

ઐતિહાસિક જગ્યાઓથી ભરેલો આ બૌદ્ધક દેશમાં સંપૂર્ણ રીતે હલચલ રહે છે. અહીંનો નજારો લોભામણો રહે છે. આ શહેરમાં એવી જગ્યાઓ પણ છે જ્યાં તમે ₹500માં એક રાત પસાર કરી શકો છો.

શું કરશોઃ હો ચી મિંહ અને અહીંના મ્યૂઝિયમને જોઇ શકો છો. જમીનની નીચે સુંરગોમાં યુદ્ધ સ્મારક પણ છે જેને તમે જોઇ શકો છો. થાંગ લોંગ વોટર પપેટ થિયેટર પણ જરુર જાઓ. હનોઇમાં સ્ટ્રીટ ફૂડનો આનંદ લો, ક્વાંગ બિન્હ વિસ્તારમાં હૈંગ સોન ડોંગ ગુફાને પણ જુઓ.

સમયઃ 6 થી 7 દિવસ

ખર્ચઃ ₹35,000 પ્રતિ વ્યક્તિ

બાલી

7. બાલી, ઇંડોનેશિયા

ઇંડોનેશિયાના સૌથી શાનદાર કલ્ચર અને શહેરોના લિસ્ટમાં ટોપ પર છે બાલી. ફેમિલી ટ્રિપ પર જઇ રહ્યા છો, હનીમૂન માટે બજેટ ટ્રાવેલિંગ, લકઝરી એક્સપીરિયંસ, એક્સપ્લોર, સર્ફિંગ કે પછી આધ્યાત્મિક સુખ, દરેક વેરાયટીના ટૂરિસ્ટ અને રખડુઓ બાલી સુધી ખેંચાઇને આવે છે.

શું કરશોઃ બાલીમાં ફેમસ તનાહ લોટ, ઉલુવાતુ મંદિરોમાં જાઓ. બંદર વન જાઓ, છતેથી ધાનના ખેતરો જુઓ, બાલીના સમુદ્ર કિનારા પર સ્કૂબા ડાઇવિંગ અને સ્નોર્કેલિંગની મજા લો. આ ઉપરાંત, અહીંની ઐતિહાસિક જગ્યાઓ પર જાઓ.

સમયઃ 5 દિવસ

ખર્ચઃ ₹40,000 પ્રતિ વ્યક્તિ

દેશ-વિદેશના પ્રવાસ પ્રસંગો અને તમારી મુસાફરીના અનોખા અનુભવો શેર કરો, આ સિવાય અન્ય મુસાફરો ક્યાં જઇ રહ્યા છે અને તેઓ શું કરી રહ્યા છે? તે પણ જાણો. એકબીજાની સાથે ફરીએ અને એક બીજાને ગમતા રહીએ

તમારી જેવા લાખો ફરવાના શોખીન લોકોની જેમ તમે પણ Tripoto પર તમારા પ્રવાસની તસવીરો અને અનુભવો શેર કરો

મફતમાં ટ્રાવેલ કરવા માંગો છો? Tripoto પર આવી ક્રેડિટ મેળવો અને પછી તમારા આગામી પ્રવાસમાં હોટેલ બુકિંગ તેમજ વેકેશન પેકેજ મેળવો

Tripoto ગુજરાતીને ફેસબુક પર ફોલો કરવા માટે અહીં ક્લિક કરો

ટ્રાવેલ અપડેટ માટે Tripoto ગુજરાતની ટેલિગ્રામ ચેનલ સાથે જોડાવા માટે અહીં ક્લિક કરો

આ લેખ અનુવાદિત છે. મુખ્ય લેખ વાંચવા માટે અહીં ક્લિક કરો