સૌ કોઈએ માણવાલાયક છે બુંદીનો અમોરકાસા હોમસ્ટે

Tripoto

અમે એવા લોકો પૈકી છીએ જેઓ સ્પષ્ટપણે માને છે કે નવા વર્ષના પહેલા દિવસે જે એક્ટિવિટી કરીએ તે આખા વર્ષમાં કરવા મળે છે. અને એટલે જ, વર્ષ 2022 ની શરૂઆતમાં અમે એક શાંત, આલીશાન અને મનોરમ્ય હોમસ્ટેમાં 2 રાત અને 3 દિવસનો પ્રવાસ કર્યો હતો. અમારી બધી જ વ્યવસ્થા StayOnSkillએ સંભાળી હતી જે બદલ અમે તેમના ખૂબ ખૂબ આભારી છીએ. આ અનુભવને લીધે 2022નું નવું વર્ષ મારા માટે અનેક કારણોસર ખાસ બની ગયું.

Photo of સૌ કોઈએ માણવાલાયક છે બુંદીનો અમોરકાસા હોમસ્ટે 1/15 by Jhelum Kaushal
Photo of સૌ કોઈએ માણવાલાયક છે બુંદીનો અમોરકાસા હોમસ્ટે 2/15 by Jhelum Kaushal

દરેક પ્રવાસ તમને કઈક નવો અનુભવ કરાવે છે. તમે નવી જગ્યા, નવા લોકો, નવી સંસ્કૃતિથી પરિચિત બનો છો. અમોરકાસા ખાતે અમારા હોસ્ટ એ અમે અત્યાર સુધી મળેલા સૌથી સારા પરિવારો પૈકી હતા. પહેલા તો અમારી મુલાકાત માત્ર અપરાજીતા સાથે થઈ હતી પણ પછી તેના પરિવારને મળ્યા તો જાણે અમને ઘરથી દૂર એક ઘર મળ્યું!

તમે પણ આ પરિવારને મળો:

Photo of સૌ કોઈએ માણવાલાયક છે બુંદીનો અમોરકાસા હોમસ્ટે 3/15 by Jhelum Kaushal

અમોરકાસામાં અમે જે પરિવારને ત્યાં હોમસ્ટે કર્યો હતો તેઓ એટલા માયાળું હતા કે હું તમને સૌનો તેમનો પરિચય કરાવવા ઈચ્છું છું.

દત્તા: એક હેન્ડસમ અને ખૂબ સારા માણસ

તેમને બાઇક અને જીપનો ખૂબ શોખ છે. તેમના ઘરના બગીચામાં તેમનો પ્લાન્ટ્સ અને પ્રાણીઓ માટેનો પ્રેમ સ્પષ્ટ જોઈ શકાય છે કારણકે અને સંખ્યાબંધ છોડવાઓ અને કુતરા, બિલાડી, ગાય, બકરી જેવા અનેક પ્રાણીઓ હતા.

જીજા સા: એક જાજરમાન વ્યક્તિત્વ

ખૂબ જ મિતભાષી અને લાગણીશીલ સ્ત્રી જેની સાથે કોઈ પણ અજાણ્યો વ્યક્તિ નિરાંતે વાત કરી શકે. અમને પણ બહુ જલ્દી તેમની સાથે ફાવી ગયું અને યોગેશે તેમને મોટા બહેન એટલે કે ‘જીજા સા’ કહીને સંબોધ્યા. અને ખાસ વાત, તેણી ખૂબ ખૂબ ખૂબ જ સ્વાદિષ્ટ રસોઈ બનાવે છે.

અપરાજીતા: સ્વીટહાર્ટ

હું તેને સ્વીટહાર્ટ કહું છું કારણકે તે ખૂબ સારી વ્યક્તિ છે. સ્વીટ, કેરિંગ એંડ સ્ટ્રોંગ!

દેવજ્ઞા: રમતપ્રેમી ટીનએજ ગર્લ

એ એક અદભૂત બાસ્કેટબોલ ખેલાડી છે. અમે તેના મેડલ્સ જોઈને દંગ રહી ગયા હતા.

સિમ્બા અને બ્લીસ

બે મજાનાં કુતરાઓ.

ફર્સ્ટ ઇમ્પ્રેશન

અમોરકાસા મુખ્ય બૂંદી નગરમાં નથી, અહીંથી 12 કિમી દૂર છે. રસ્તો ખૂબ ખરાબ છે, પણ ડેસ્ટિનેશન આવતા જ તમે આ રસ્તાને ભૂલી જશો.

અરવલ્લીના પહાડો અને રાઈના ખેતરો વચ્ચે આવેલું અમોરકાસા હોમસ્ટે એક વિશાળ બગીચા વચ્ચે આવેલો આહલાદક બંગલો છે. અમે બપોરે 1 વાગે અહીં પહોંચ્યા હતા અને અહીંના મકાનમાલિક સાથે બહુ ઝડપથી વાતોમાં ભળી ગયા. તેમની સાથે આગળ શું કરવું તે નક્કી કર્યું.

અમોરકાસામાં અમે શું કર્યું?

આમ તો અમોરકાસામાં રોકાણ એ જ એક અનોખો અનુભવ છે. આસપાસમાં ખાસ કોઈ ફરવાલાયક જગ્યા નથી. પણ અહીં સુધી આવ્યા જ હતા એટલે અમે આસપાસનો વિસ્તાર એક્સપ્લોર કરી જ લીધો.

બાઈકરાઇડ

પરિવાર સાથે સ્વાદિષ્ટ ભોજન માણીને દત્તા અને અપરાજીતા અમને બાઇકરાઈડ પર ગામની મુલાકાત માટે લઈ ગયા. અમે ગામના લોકો સાથે વાતો પણ કરી, તેઓ અમને મળીને ખૂબ રોમાંચિત થઈ ગયા હતા.

Photo of સૌ કોઈએ માણવાલાયક છે બુંદીનો અમોરકાસા હોમસ્ટે 4/15 by Jhelum Kaushal
Photo of સૌ કોઈએ માણવાલાયક છે બુંદીનો અમોરકાસા હોમસ્ટે 5/15 by Jhelum Kaushal

300-400 વર્ષ જુના મંદિરની મુલાકાત

અરવલ્લીના પહાડોના ખોળામાં આવેલા એક પ્રાચીન મંદિર અને જર્જરિત કિલ્લાની પણ મુલાકાત લીધી.

Photo of સૌ કોઈએ માણવાલાયક છે બુંદીનો અમોરકાસા હોમસ્ટે 6/15 by Jhelum Kaushal

ખેતરોમાં લટાર

પરિવારના અન્ય એક સભ્ય ‘બોલ્ટ’ને અમે મળ્યા. આ બકરી સાથે અમે ખૂબ રમ્યા અને ખેતરમાં રખડ્યા. માત્ર 15 દિવસ પહેલા જન્મેલો બોલ્ટ અને પરિવારના અન્ય પ્રાણીઓ સાથે રમવાની ખૂબ મજા આવી. વિશાળ ખેતરમાં લટાર મરવાનો અનુભવ પણ અમારા માટે તો નવો જ હતો.

Photo of સૌ કોઈએ માણવાલાયક છે બુંદીનો અમોરકાસા હોમસ્ટે 7/15 by Jhelum Kaushal
Photo of સૌ કોઈએ માણવાલાયક છે બુંદીનો અમોરકાસા હોમસ્ટે 8/15 by Jhelum Kaushal

પ્રાચીન ગુફાની મુલાકાત

બીજા દિવસે અમે એક ઐતિહાસિક ગુફાની મુલાકાત પણ લીધી.

ન્યુ યર પાર્ટી:

આ માટે જ તો અમે અહીં આવ્યા હતા!

બંગલા પાછળ આવેલી લોનમાં લાઇટિંગ અને બોન ફાયરની સુંદર સજાવટ હતી. અપરાજીતાના કઝિન્સ પણ આવ્યા હતા જેમની સાથે અમને ખૂબ મજા આવી. ગામના પરંપરાગત રાજસ્થાની ગાયકોને બોલાવવામાં આવ્યા હતા અને તેમના મ્યુઝિક પર ઝૂમતા અમે ખૂબ નાચ્યા અને ગેમ્સ પણ રમ્યા. અહીંનું હોમમેડ ફૂડ પણ બહુ જ સ્વાદિષ્ટ હતું. ટૂંકમાં કહું તો આ એક પરફેક્ટ ન્યુ યર પાર્ટી હતી.

Photo of સૌ કોઈએ માણવાલાયક છે બુંદીનો અમોરકાસા હોમસ્ટે 9/15 by Jhelum Kaushal
Photo of સૌ કોઈએ માણવાલાયક છે બુંદીનો અમોરકાસા હોમસ્ટે 10/15 by Jhelum Kaushal

પ્રોપર્ટી વિષે:

અમારા આનંદની વાત કરવામાં પ્રોપર્ટી વિષે વાત કરવાનું તો રહી જ ગયું. આ પરિવાર જેટલો સુંદર છે એટલું જ તેમનું ઘર પણ. શહેરનિ ભીડભાડથી દૂર આ પ્રોપર્ટીમાં દાખલ થતાંની સાથે જ તમને ગજબની શાંતિનો અનુભવ થાય છે.

મહેમાનોની સવાર મોબાઈલ અલાર્મથી નહિ, પણ કુકડાઓના કૂકડે કૂકથી થાય છે. ઘરની બહાર વિશાળ ગાર્ડન છે જ્યાં બેસવાની ખૂબ મજા આવે છે. આ બંગલોમાં કુલ 4 રૂમ્સ છે જે પૈકી 3 ગેસ્ટ્સ માટે ઉપલબ્ધ છે. અલબત્ત, આ ત્રણેય રૂમ્સ ખૂબ આકર્ષક રીતે સજાવવામાં આવ્યા છે.

Photo of સૌ કોઈએ માણવાલાયક છે બુંદીનો અમોરકાસા હોમસ્ટે 11/15 by Jhelum Kaushal
Photo of સૌ કોઈએ માણવાલાયક છે બુંદીનો અમોરકાસા હોમસ્ટે 12/15 by Jhelum Kaushal
Photo of સૌ કોઈએ માણવાલાયક છે બુંદીનો અમોરકાસા હોમસ્ટે 13/15 by Jhelum Kaushal

ભોજન:

અહીં આસપાસના ખેતરોમાં ઊગતા ઓર્ગેનિક શાકભાજી લાવીને જીજા સા જે જમવાનું બનાવે છે તેનો સ્વાદ તમે ક્યારેય નહિ ભૂલી શકો. યાદ રહે, અહીં પરંપરાગત રીતે બનતો ખીચડો અવશ્ય ટ્રાય કરશો.

Photo of સૌ કોઈએ માણવાલાયક છે બુંદીનો અમોરકાસા હોમસ્ટે 14/15 by Jhelum Kaushal

બૂકિંગ

બૂકિંગ માટે તમે AmourCasa on AirBNB/ Book AmourCasa on Agoda/ Book AmourCasa on Booking.com પૈકી કોઈ પણ વિકલ્પ પસંદ કરી શકો છો.

Photo of સૌ કોઈએ માણવાલાયક છે બુંદીનો અમોરકાસા હોમસ્ટે 15/15 by Jhelum Kaushal

ટીપ:

અમારા અંગત અનુભવ પરથી હું એટલું સ્પષ્ટપણે કહી શકું કે તમે અહીં ગમે તેટલા દિવસનું રોકાણ પ્લાન કરો, સહેજ પણ બોર નહિ થાઓ. પણ હા, એકાદ બે દિવસ કરતાં બે રાત અને 3 દિવસ આદર્શ રહે છે. આ પરિવાર, પ્રોપર્ટી અને ગામનો અનુભવ તમે હંમેશા વગોળશો. AmourCasa ખરેખર અદભૂત છે!

.

તમારી જેવા લાખો ફરવાના શોખીન લોકોની જેમ તમે પણ Tripoto પર તમારા પ્રવાસની તસવીરો અને અનુભવો શેર કરો

મફતમાં ટ્રાવેલ કરવા માંગો છો? Tripoto પર આવી ક્રેડિટ મેળવો અને પછી તમારા આગામી પ્રવાસમાં હોટેલ બુકિંગ તેમજ વેકેશન પેકેજ મેળવો

Tripoto ગુજરાતીને ફેસબુક પર ફોલો કરવા માટે અહીં ક્લિક કરો

ટ્રાવેલ અપડેટ માટે Tripoto ગુજરાતીની ટેલિગ્રામ ચેનલ સાથે જોડાવા માટે અહીં ક્લિક કરો

આ લેખ અનુવાદિત છે. મૂળ લેખ વાંચવા અહીં ક્લિક કરો.

દેશ-વિદેશના પ્રવાસ પ્રસંગો અને તમારી મુસાફરીના અનોખા અનુભવો શેર કરો, આ સિવાય અન્ય મુસાફરો ક્યાં જઇ રહ્યા છે અને તેઓ શું કરી રહ્યા છે? તે પણ જાણો. એકબીજાની સાથે ફરીએ અને એક બીજાને ગમતા રહીએ

More By This Author

Further Reads