જન્નત-એ-કાશ્મીરની 6 ડરામણી જગ્યાઓ, જ્યાં જવાનું દરેકનું કામ નથી, નબળા હ્રદયના લોકો દૂર રહે

કાશ્મીરને ધરતીનું સ્વર્ગ કહેવામાં આવે છે. આ જગ્યાની સુંદરતા એવી છે કે કાશ્મીર આવનાર દરેક વ્યક્તિ આ જગ્યાની સુંદરતામાં ખોવાઈ જાય છે. કાશ્મીરની ખીણોમાં શાંતિ છે અને અહીંના લોકો પણ પર્યટકોનું ખુલ્લા દિલથી સ્વાગત કરે છે. કાશ્મીર જેટલું સુંદર છે, અહીં કેટલીક એવી જગ્યાઓ પણ છે જેની મુલાકાત લેવાનું કદાચ તમે પસંદ નહીં કરો. કાશ્મીરમાં એવી કેટલીક જગ્યાઓ છે જે ભૂતિયા માનવામાં આવે છે અને જ્યાં વિચિત્ર અવાજો આવે છે અને વસ્તુઓ પણ જોવા મળી છે. આજે અમે કાશ્મીરના એવા જ સ્થળોની યાદી તૈયાર કરી છે જ્યાં તમે ન જાવ તો સારું રહેશે.

1. ઉધમપુર આર્મી ક્વાર્ટર

Photo of જન્નત-એ-કાશ્મીરની 6 ડરામણી જગ્યાઓ, જ્યાં જવાનું દરેકનું કામ નથી, નબળા હ્રદયના લોકો દૂર રહે 2/5 by Paurav Joshi

શું તમને લાગે છે કે ભૂત જોવાનો કોઇ સમય હોય છે? મોટાભાગના કિસ્સામાં મોડી રાત્રે આવી ઘટનાઓ સામે આવી છે જે હોશ ઉડાવી દે છે. શ્રીનગરના આર્મી ક્વાર્ટર્સમાં પણ કંઈક આવું જ બન્યું છે. આ ક્વાર્ટર્સ રાત્રી દરમિયાન અલૌકિક પ્રવૃત્તિઓના સાક્ષી હોવાનું કહેવાય છે. કેટલાક લોકોનું કહેવું છે કે બપોરે 1 થી 3 વાગ્યાની વચ્ચે આર્મી ક્વાર્ટર્સમાં ભૂતિયા અવાજો સાથે વિચિત્ર રોશની જોવા મળી હતી. આ મામલામાં કેટલું સત્ય છે, તે તમારા પર નિર્ભર છે, પરંતુ રાતના સમયે આ સ્થળથી અંતર રાખવું વધુ સારું રહેશે.

2. ગામ કાદલ પુલ

કહેવાય છે કે 1991ના હત્યાકાંડથી આ પુલ પર ભૂતોએ પડાવ નાખ્યો છે. 1991ના નરસંહારમાં ઘણા નિર્દોષ કાશ્મીરીઓએ જીવ ગુમાવ્યા હતા. જગમોહન મલ્હોત્રાને ફરી રાજ્યપાલ બનાવવાને લઈને કાશ્મીરી લોકોનું એક જૂથ સરકાર સામે વિરોધ કરી રહ્યું હતું ત્યારે CRPF જવાનોએ ગોળીબાર શરૂ કર્યો હોવાનું કહેવાય છે. આ હત્યાકાંડ પછી પુલ પર વિચિત્ર ઘટનાઓ જોવા મળી રહી છે. હવે આ કેસને 30 વર્ષ થઈ ગયા છે. પરંતુ આજે પણ લોકોનું માનવું છે કે આ પુલ પર રાત્રે વિચિત્ર અવાજો સંભળાય છે.

3. કિલર નાળુ

આ જગ્યાનું નામ સાંભળતા જ ડરના કારણે અડધા લોકોની હાલત ખરાબ થઈ જાય છે. જમ્મુ-કાશ્મીર હાઈવે પર બનિહાલ ટનલ પહેલા એક વિસ્તાર છે, જેનું નામ ખૂની નાલા છે. અહીં અવારનવાર થતા માર્ગ અકસ્માતોને ધ્યાનમાં રાખીને આ સ્થળનું નામકરણ કરવામાં આવ્યું હતું. પરંતુ આ નામ રાખવા પાછળ આ એકમાત્ર કારણ નથી. કહેવાય છે કે આ રોડ પર કાળી સાડી પહેરેલી યુવતી બાઈક લઈને પસાર થતા લોકો પાસેથી અવારનવાર લિફ્ટ માંગે છે. જે તેને લિફ્ટ આપવાની ના પાડે છે, તે આગળ જઇને અકસ્માતનો શિકાર બને છે. મારા પર વિશ્વાસ કરો, તમારે આ રસ્તા પર ખૂબ કાળજી લેવાની જરૂર છે.

4. ટ્વિન વિલેજ

Photo of જન્નત-એ-કાશ્મીરની 6 ડરામણી જગ્યાઓ, જ્યાં જવાનું દરેકનું કામ નથી, નબળા હ્રદયના લોકો દૂર રહે 3/5 by Paurav Joshi — ક્રેડિટઃ બીબીસી ન્યૂઝ

જોવામાં આ ગામ તમને ડરામણું નહીં લાગે, પરંતુ એકવાર તમે તેની પાછળની કહાની જાણી લેશો તો તમે પણ અહીં જતા પહેલા સો વાર વિચાર કરશો. 23 ફેબ્રુઆરી, 1991ના રોજ અહીં કંઈક એવું બન્યું જેણે આ ગામની ઓળખ જ બદલી નાખી. અહેવાલો અનુસાર, કાશ્મીરના કુપવાડા જિલ્લાના કુનાન અને પોશપારા ગામમાં લગભગ 100 મહિલાઓ પર બળાત્કાર થયો હતો. ન્યૂયોર્ક ટાઈમ્સમાં પણ છપાયેલા આ સમાચાર મુજબ આ તમામ મહિલાઓની બાદમાં હત્યા કરવામાં આવી હતી. એવું કહેવાય છે કે ક્રૂરતાનો ભોગ બનેલી મહિલાઓની આત્માઓ આજે પણ આ ગામોમાં ભટકતી રહે છે, જેના કારણે તેને કાશ્મીરની ભૂતિયા જગ્યાઓમાંથી એક માનવામાં આવે છે.

5. અબ્દુલ્લાહ જિન

Photo of જન્નત-એ-કાશ્મીરની 6 ડરામણી જગ્યાઓ, જ્યાં જવાનું દરેકનું કામ નથી, નબળા હ્રદયના લોકો દૂર રહે 4/5 by Paurav Joshi

સ્થાનિક લોકોના જણાવ્યા અનુસાર, શ્રીનગરમાં એક ઘર એવું પણ છે જેમાં ભૂત નથી પરંતુ જિનનો કબજો છે. જો કે આ ઘરના લોકેશન વિશે ઘણા લોકો નથી જાણતા, પરંતુ એવું કહેવાય છે કે જે પણ આ ઘરમાં પ્રવેશ કરે છે, તેના જૂતા અને ચપ્પલ થોડીવાર પછી બહાર ફેંકી દેવામાં આવે છે. એવું પણ કહેવાય છે કે આ ઘરમાં જનાર દરેક વ્યક્તિને પાછળથી કોઈને કોઈ ગંભીર બીમારીનો સામનો કરવો પડે છે. લોકોના મતે, આ ઘરમાં અબ્દુલ્લા નામના જિનનું શાસન છે અને આ ઘરની અંદર જવું જોખમથી મુક્ત નથી.

6. ભૂતિયું ઝાડ

Photo of જન્નત-એ-કાશ્મીરની 6 ડરામણી જગ્યાઓ, જ્યાં જવાનું દરેકનું કામ નથી, નબળા હ્રદયના લોકો દૂર રહે 5/5 by Paurav Joshi — ક્રેડિટઃ ટ્રાવેલ ટ્રાયંગલ

ઉજ્જડ રસ્તાઓ પર ભૂતિયા વૃક્ષની વાર્તા બોલિવૂડ ફિલ્મોમાં ઘણી વખત બતાવવામાં આવે છે. પરંતુ તમને વિશ્વાસ નહીં થાય કે શ્રીનગરથી ગુરેઝ વેલી જવાના માર્ગમાં વાસ્તવમાં એક એવું વૃક્ષ છે જે ભૂતિયા હોવાનું માનવામાં આવે છે. કહેવાય છે કે આ ઝાડ પર ભૂત વગેરે રહે છે. કહેવાય છે કે આ ઝાડને થોડો સ્પર્શ કરવાથી પણ આંચકી આવવા લાગે છે. કાશ્મીરનું આ ભૂતિયા વૃક્ષ રસ્તાની વચ્ચે છે અને આજે પણ તેના અસ્તિત્વનું કારણ કોઈ જાણતું નથી. સ્થાનિક લોકોનું કહેવું છે કે અમાસની રાતે આ વૃક્ષ પર અલૌકિક શક્તિઓનો કબજો વધુ મજબૂત બને છે.