આ છે ભારતનું અનોખુ મંદિર જે વર્ષમાં ફક્ત 7 દિવસ ખુલ્લું રહે છે, જાણો આ અંગે

Tripoto
Photo of આ છે ભારતનું અનોખુ મંદિર જે વર્ષમાં ફક્ત 7 દિવસ ખુલ્લું રહે છે, જાણો આ અંગે by Paurav Joshi

ચમત્કારો ઘણીવાર તર્ક અને તથ્યોથી ઉપર હોય છે. તે ભક્તોની વિશ્વાસ અને આસ્થાનું જીવંત પ્રમાણ હોય છે. ભારતમાં એવી ઘણી જગ્યાઓ છે, જે પોતાની ચમત્કારી પ્રકૃતિ અને અવિશ્વસનીય માન્યતાઓ માટે પ્રખ્યાત છે. આવું જ એક સ્થાન કર્ણાટકના હાસન જિલ્લામાં છે, જે તેના ચમત્કારો માટે સમગ્ર ભારતમાં પ્રખ્યાત છે. અમે હસનંબા મંદિર વિશે વાત કરી રહ્યા છીએ જે દિવાળી દરમિયાન ખુલે છે અને પછી એક વર્ષ માટે ફરીથી બંધ થઈ જાય છે.

આ મંદિર ખૂબ જ જાણીતું છે અને તે સમયે ભક્તો દૂર-દૂરથી અહીં દર્શન કરવા આવે છે. આ મંદિરનું નામ હસનંબા મંદિર છે, જે બેંગ્લોરથી લગભગ 180 કિમી દૂર આવેલું છે. આ મંદિર 12મી સદીનું હોવાનું કહેવાય છે. મંદિર વર્ષમાં માત્ર એક જ વાર દિવાળીના દિવસે ખુલે છે. મંદિરમાં હસનંબાની દેવીની પૂજા કરવામાં આવે છે. જ્યારે આ મંદિર ખુલે છે, ત્યારે બે દિવસ માટે એક વિશેષ ધાર્મિક વિધિ પણ થાય છે જે દરમિયાન મંદિર ભક્તો માટે બંધ રહે છે.

Photo of આ છે ભારતનું અનોખુ મંદિર જે વર્ષમાં ફક્ત 7 દિવસ ખુલ્લું રહે છે, જાણો આ અંગે by Paurav Joshi

એવું કહેવાય છે કે આ મંદિરનું નિર્માણ 12મી સદીમાં હોયસલ વંશના રાજાઓએ કરાવ્યું હતું. આ મંદિરમાં ભક્તો પત્ર લખીને ભગવાનને અરજી કરે છે. એવું માનવામાં આવે છે કે અહીં લેટર લખીને અરજી કરવામાં આવે તો ભક્તોની તમામ મનોકામનાઓ પૂર્ણ થાય છે. ભગવાનને લખેલી ઘણી ચિઠ્ઠીઓ સોશિયલ મીડિયા પર વાયરલ થઇ ગઇ હતી. આ મંદિર શ્રદ્ધાળુઓ માટે ગયા વર્ષે 28 ઓક્ટોબરથી 6 નવેમ્બર સુધી ખોલવામાં આવ્યું હતું. આ મંદિરમાં અનેક ચમત્કારો થાય છે. જ્યારે મંદિરના દરવાજા ખોલવામાં આવે છે, ત્યારે અહીં એક દીવો પ્રગટાવવામાં આવે છે, જે આખું વર્ષ પ્રજ્વલિત રહે છે. વર્ષે જ્યારે મંદિર ફરી ખોલવામાં આવે છે, ત્યારે અહીં દીવો સળગાવવામાં આવે છે. આ સાથે ભગવાનને ચડાવવામાં આવેલાં ફૂલ પણ તાજા મળે છે.

મંદિરનો ઇતિહાસ

આ મંદિર વિશે એવી દંતકથા છે કે અહીં અંધકાસુર નામનો રાક્ષસ રહેતો હતો. તેણે કઠોર તપસ્યા કરીને બ્રહ્માથી અદ્રશ્ય બનવાનું વરદાન મેળવ્યું હતું. આ વરદાન બાદ તેણે લોકો પર અત્યાચાર કરવાનું શરૂ કરી દીધું. આ રાક્ષસનો અંત કરવા માટે ભગવાન શિવ જેવા તેને મારી નાખતા તેના લોહીનું દરેક ટીપું રાક્ષસ બની જતુ. ત્યારબાદ શિવે પોતાની શક્તિઓથી યોગેશ્વરી દેવીની રચના કરી અને દેવીએ તે રાક્ષસનો નાશ કર્યો.આ મંદિરનો મુખ્ય ટાવર દ્રવિડિયન શૈલીમાં બાંધવામાં આવ્યો છે.

Photo of આ છે ભારતનું અનોખુ મંદિર જે વર્ષમાં ફક્ત 7 દિવસ ખુલ્લું રહે છે, જાણો આ અંગે by Paurav Joshi

યોગેશ્વરી સાથે 7 દેવીઓ આવી, જેમને સપ્તમાત્રિકા કહેવામાં આવે છે. આ સપ્તમાત્રિકાઓ બ્રાહ્મી, મહેશ્વરી, કૌમારી, વૈષ્ણવી, વારાહી, ઈન્દ્રાણી અને ચામુંડી હતી. આ સાતેય દેવીઓ દક્ષિણ ભાગથી કાશી તરફ આવી રહી હતી ત્યારે રસ્તામાં તેમને એક એવું સુંદર સ્થાન મળ્યું કે તેઓએ ત્યાં રહેવાનું નક્કી કર્યું. આ જગ્યા હાસન છે. આ સાત દેવીઓમાંથી વૈષ્ણવી, મહેશ્વરી અને કૌમારીએ કીડીઓના બામ્બીમાં રહેવાનું પસંદ કર્યું. ચામુંડી, વારાહી અને ઈન્દ્રાણી નજીકના કુંડામાં અને બ્રાહ્મી કેંચમના હોસ્કોટેમાં રહેવા લાગી.

મંદિરના નિર્માણ અને ગર્ભગૃહમાં મૂર્તિની સ્થાપના વિશે કોઈ નક્કર માહિતી નથી, પરંતુ મંદિરની રચના અને સ્થાપત્યના પ્રકાર પરથી એવું અનુમાન લગાવવામાં આવે છે કે હસંબા મંદિરનું નિર્માણ હોયસલા વંશના રાજાઓએ કરાવ્યું હતું. 12મી સદીમાં. જો કે, મંદિરના મુખ્ય પ્રવેશદ્વાર પરનું ગોપુરમ 12મી સદી પછી બનાવવામાં આવ્યું હતું.

Photo of આ છે ભારતનું અનોખુ મંદિર જે વર્ષમાં ફક્ત 7 દિવસ ખુલ્લું રહે છે, જાણો આ અંગે by Paurav Joshi

હસનંબા મંદિર સાથે જોડાયેલી ધાર્મિક વિધિઓ અને ચમત્કારો

આ મંદિર તેની રસપ્રદ ધાર્મિક વિધિઓ માટે જાણીતું છે. હિંદુ કેલેન્ડર અનુસાર, દરેક આસો મહિનાના પહેલા ગુરુવારે, આ મંદિર માત્ર એક અઠવાડિયા માટે ભક્તો માટે ખોલવામાં આવે છે. આ દરમિયાન હસનંબા જાત્રા ઉત્સવ ઉજવવામાં આવે છે. જ્યારે મંદિરના દરવાજા ખોલવામાં આવે છે ત્યારે દેશના ખૂણે-ખૂણેથી ભક્તો માતાના દર્શન કરવા આવે છે. આ પછી, મંદિરમાં છેલ્લા બે દિવસ વિશેષ ધાર્મિક વિધિઓનું આયોજન કરવામાં આવે છે, જે દરમિયાન મંદિર સામાન્ય ભક્તો માટે બંધ રહે છે.

Photo of આ છે ભારતનું અનોખુ મંદિર જે વર્ષમાં ફક્ત 7 દિવસ ખુલ્લું રહે છે, જાણો આ અંગે by Paurav Joshi

હાસન જિલ્લામાં આવેલું હસનંબા મંદિર પ્રસિદ્ધ હોવાનું એક બીજું કારણ અહીં થતા ચમત્કારો પણ છે. વાસ્તવમાં જ્યારે મંદિરના દરવાજા ફરી બંધ થઈ જાય છે, ત્યારે અહીં દીવો પ્રગટાવવામાં આવે છે, માતાને તાજા ફૂલ અને પ્રસાદ ચઢાવવામાં આવે છે. એક વર્ષ પછી જ્યારે આ મંદિરના દરવાજા ફરી ખુલે છે, ત્યારે પણ દીવો બળતો જોવા મળે છે. માતાને ચઢાવવામાં આવેલાં ફૂલો તાજાં મળે છે અને રાંધેલા ભાતનો પ્રસાદ પણ પવિત્ર રૂપે મળે છે.

Photo of આ છે ભારતનું અનોખુ મંદિર જે વર્ષમાં ફક્ત 7 દિવસ ખુલ્લું રહે છે, જાણો આ અંગે by Paurav Joshi

કહેવાય છે કે દેવી હસનંબાએ પોતાની ભક્ત એવી એક પુત્રવધૂને હેરાન કરનાર સાસુને પથ્થરમાં ફેરવી દીધી હતી. ઉપરાંત દેવીએ હસનંબાના ઘરેણાંની ચોરી કરવાનો પ્રયાસ કરનાર ચાર લૂંટારાઓને પત્થર બનાવી દીધા હતા. આ ચાર પત્થરો આજે પણ કલપ્પા ગુડીમાં જોવા મળે છે. એવું માનવામાં આવે છે કે પથ્થર દર વર્ષે એક ઇંચ જેટલો ખસે છે. એવું માનવામાં આવે છે કે જ્યારે આ પથ્થર હસનંબાના ચરણ એટલે કે પગ સુધી પહોંચી જશે ત્યારે કળિયુગનો અંત આવશે.

Photo of આ છે ભારતનું અનોખુ મંદિર જે વર્ષમાં ફક્ત 7 દિવસ ખુલ્લું રહે છે, જાણો આ અંગે by Paurav Joshi

કેવી રીતે પહોંચવું

હાસન પહોંચવા માટેનું સૌથી નજીકનું આંતરરાષ્ટ્રીય એરપોર્ટ બેંગ્લોર છે જે અહીંથી લગભગ 207 કિલોમીટર (km) દૂર છે. તેમજ મૈસુર એરપોર્ટ મંદિરથી લગભગ 127 કિમીના અંતરે છે.

હાસન બેંગ્લોર, મેંગલોર, શિવમોગ્ગા અને મૈસુર જેવા શહેરો સાથે રેલ્વે દ્વારા જોડાયેલ છે. હાસન જંકશનથી મંદિરનું અંતર માત્ર 2.6 કિમી છે. આ સિવાય હાસન કર્ણાટકના તમામ મોટા શહેરો સાથે રોડ દ્વારા જોડાયેલું છે.

Photo of આ છે ભારતનું અનોખુ મંદિર જે વર્ષમાં ફક્ત 7 દિવસ ખુલ્લું રહે છે, જાણો આ અંગે by Paurav Joshi

દેશ-વિદેશના પ્રવાસ પ્રસંગો અને તમારી મુસાફરીના અનોખા અનુભવો શેર કરો, આ સિવાય અન્ય મુસાફરો ક્યાં જઇ રહ્યા છે અને તેઓ શું કરી રહ્યા છે? તે પણ જાણો. એકબીજાની સાથે ફરીએ અને એક બીજાને ગમતા રહીએ

તમારા જેવા લાખો ફરવાના શોખીન લોકોની જેમ તમે પણ Tripoto પર તમારા પ્રવાસની તસવીરો અને અનુભવો શેર કરો

મફતમાં ટ્રાવેલ કરવા માંગો છો? Tripoto પર આવી ક્રેડિટ મેળવો અને પછી તમારા આગામી પ્રવાસમાં હોટેલ બુકિંગ તેમજ વેકેશન પેકેજ મેળવો

Tripoto ગુજરાતીને ફેસબુક પર ફોલો કરવા માટે અહીં ક્લિક કરો