એક બાજુ પેંડેમીક ચાલી રહ્યો છે જયારે બીજી બાજુ ક્લાઈમેટ ચેન્જની આફત તો ઉભી જ છે! જર્મની અને કેનેડાનું તાપમાન 50 ડિગ્રી સેલ્સિયશ પર પહોંચવા લાગ્યું છે! આ પરિસ્થિતિમાં તમે COALITION FOR RAINFOREST NATIONS અથવા CLEAN AIR TASK FORCE જેવી સંસ્થાઓ દ્વારા ઘરબેઠા પણ મદદ કરી શકો છો.
મુંબઈ
મુંબઈ એ એવું શહેર છે જ્યાં લગભગ 2 કરોડ લોકો રહે છે! ચોમાસામાં અહીંયા જે પાણીનો ભરાવો થાય છે એ અને સમુદ્ર સપાટીનું જળસ્તર વધવાના કારણે એવું માનવામાં આવે છે કે 2050 સુધીમાં મુંબઈના ઘણા વિસ્તારો સમુદ્રમાં ગરકાવ થઇ જશે!
ગ્લેસિયર નેશનલ પાર્ક
આઈસ એજન સમયે અહીંયા 150 ગ્લેસિયર હતા જે આજે ઘટીને 25 બચ્યા છે! એવું માનવામાં આવે છે કે 2030 સુધીમાં અહીંયા કોઈ જ ગ્લેસિયર નહીં બચે!
અલાસ્કા
જંગલ અને પ્રકૃતિપ્રેમીઓએ જીવનમાં એક વખત તો અલાસ્કા જવું જ જોઈએ. છેલ્લા 5 દશકામાં અલાસ્કામાં તાપમાનમાં લગભગ 2 . 5 ડિગ્રીનો વધારો જોવા મળ્યો છે. અલાસ્કાનું વન્ય જીવન અને પ્રાણી જીવન ધીમે ધીમે લુપ્ત થઇ રહ્યું છે. અમેરિકાના અન્ય 49 રાજ્યોની સરખામણીએ અલાસ્કા વધુ ઝડપથી ગરમ થઇ રહ્યું છે.
વેનિસ
પોતાના કેનાલ રસ્તાઓ માટે જાણીતું વેનિસ છેલ્લા 53 વર્ષનું સૌથી ભયન્કર પૂર જોઈ ચૂક્યું છે. લોકોના મતે સીટી ઓફ વૉટર આવનારા સમયમાં સીટી ઓફ અંડરવોટર બની જશે!
એમેઝોન રેઇનફોરેસ્ટ
390 બિલિયન વૃક્ષો અને 30 કરોડ લોકોનું ઘર એવું એમેઝોન છેલ્લા ઘણા સમયથી જંગલી આગનો ભોગ બનતું આવ્યું છે. 2019 માં બ્રાઝીલમાં 80000 બનાવો આગ લાગવાના બન્યા હતા!
રિયો દે જાનેરો
સાઉથ અમેરિકામાં ક્લાઈમેટ ચેન્જની સૌથી ખરાબ અસર રિયો ઉપર થઇ છે. 2011 માં રીઓમાં બ્રાઝીલની સૌથી ખરાબ કુદરતી આપત્તિ આવી ચુકી છે!
કી વેસ્ટ
ફ્લોરીડાનું કી વેસ્ટ 2045 સુધીમાં 15 ઇંચથી વધુના જળસ્તર પર આવી જશે એવું માનવામાં આવે છે. વેકેશન્સ માટે માનીતું એવું કી વેસ્ટ આ કુદરતી આપત્તિ સામે કઈ રીતે લડશે એ કોઈ જ નથી જાણતું.
ઈસ્ટર આઇલેન્ડ
ચિલીનો આ આઇલેન્ડ મોટા ભાગે મોંએ સ્ટેચ્યુ માટે જાણીતો છે. ક્લાઈમેટ ચેન્જના કારણે અહીંયા દુષ્કાળ પાડવાના કિસ્સાઓ વધી રહ્યા છે. દુષ્કાળ અને જળસ્તરમાં વધારાને કારણે અહીંયાના લોકલ લોકો માટે પ્રશ્નો વધી રહ્યા છે.
બેલીઝ બેરીયર રીફ
ક્લાઈમેટ ચેન્જ, કુદરતી આપત્તિઓ અને હરિકેનસના કારણે આ રિફને ઘણું જ નુકશાન પહોંચ્યું છે. 1985 થી 2014 માં અહીંયાનો બ્લિચિંગ સ્ટ્રેસ સ્કોર 1 . 7 હતો જે વધીને 2014 થી 2017 માં 3 સુધી પહોંચી ગયો છે. જેના કારણે આ રીફ અત્યારે મરણપથારીએ જ છે!
ગ્રેટ બેરીયર રીફ
ગ્રેટ બેરીયર રીફ એ વિશ્વનું શ્રેષ્ઠ સ્કૂબા ડાઇવિંગ ડેસ્ટિનેશન છે પરંતુ ક્યાં સુધી! છેલ્લા બે દશકામાં રીફ 50 % તો નાશ પામી છે! વિશ્વની સૌથી મોટી કોરલ રીફ સિસ્ટમ અને કારણે ખતરામાં છે.
.