આ પાંચ ઢાબા તમને આંગળી ચાટતા કરી દેશે!

Tripoto
Photo of આ પાંચ ઢાબા તમને આંગળી ચાટતા કરી દેશે! 1/1 by Jhelum Kaushal

દરેક વખતે ફરવા જવાનું બધાના નસીબમાં નથી હોતું. એટલી સરળતાથી રજા પણ નથી મળતી અને ખિસ્સાને પણ નથી પરવડતું. કોઈ ટ્રીપ પર ન જઈ શકાય તો વીકએન્ડમાં ઘણા લોકો મુરથલના ઢાબા પર ઉજાણી કરવા નીકળી પડતાં હોય છે. 

મજાની વાત એ છે કે સુખદેવ ઢાબા સિવાય પણ અહીં ઘણા ઢાબા છે જ્યાંનું ભોજન જમીને તમે આંગળી ચાટતા રહી જશો. મિત્રોને અલગ-અલગ જગ્યાએ પાર્ટી આપવી હોય તો પણ આ ઢાબા બહુ જ સારા રહેશે. 

1. મન્નત ઢાબા 

Photo of Mannat Dhaba®, Delhi - Rohtak Road, Rohtak, Haryana, India by Jhelum Kaushal

ઉત્તર ભારતમાં લગભગ બધા જ નેશનલ હાઇવે પર મન્નત ઢાબા જોવા મળશે. ભારતમાં હાઇવેઝ પર આવેલા ઢાબામાં મન્નત ઢાબા ઘણી જાણીતી ચેઇન છે. અને એમ પણ મુરથલના મન્નત ઢાબા વિષે તો શું કહેવું, શાનદાર, જબરજસ્ત, જિંદાબાદ! એક વાર જરુર ટ્રાય કરજો. 

બેસ્ટ ડિશ: આલુ પ્યાઝ પરાઠા, વેજ થાળી, સ્પેશિયલ ચા. 

2. શિવ ટુરિસ્ટ ઢાબા 

Photo of Shiva Tourist Dhaba- Avnesh Sharma, Muzaffarnagar Bypass Road, Muzaffarnagar, Uttar Pradesh, India by Jhelum Kaushal

મુરથલના પ્રચલિત ઢાબાની યાદીમાં આમ તો આ હજુ નવું નામ છે પણ તેમાં સ્વાદ થકી એણે 'ફેમસ ઢાબા'માં નામ કાયમ કરી દીધું છે. તેનું મુખ્ય કારણ છે અહીંનું 'હટકે મેન્યુ'. નોર્થ ઇન્ડિયન, સાઉથ ઇન્ડિયન કે ચાઈનીઝ, અહીં બધી જ વાનગીઓ ખૂબ જ સ્વાદિષ્ટ મળે છે. દિલ્હી-નૈનીતાલનો પ્રવાસ કરી રહ્યા હોવ તો આ ઢાબા પર એક હોલ્ટ તો કરવો જ!

બેસ્ટ ડિશ: મલાઈ કોફતા, કાઢી ચાવલ, કઢાઈ દૂધ 

3. નંબર 1 આહુજા ઢાબા

Photo of No.1 Ahuja Dhaba By Ashok Kumar, NH-1, Murthal, Haryana, India by Jhelum Kaushal

દિલ્હી-ચંડીગઢ હાઇવે પર જેટલા પણ ઢાબા છે એમાં સ્વાદમાં એકદમ પાક્કા કોઈ ટોય તો તે છે નંબર 1 આહુજા ઢાબા. 1948 માં શરુ થયેલા આ ઢાબામાં તમને આકર્ષક ઇન્ટિરિયર નહિ જોવા મળે પણ અહીંનો સ્વાદ તમારી જીભે રહી જશે. સ્વાદના શોખીનો માટે આ સ્થળ ચૂકવા જેવુ નથી. 

બેસ્ટ ડિશ: દાલ તડકા, મિક્સ પકોડા, મક્ખન નાન

4. પહલવાન વૈષ્ણો ઢાબા 

Photo of Pahalwan Vaishno Dhaba, Indra Nagar, A Block, Panchwathi, Azadpur, New Delhi, Delhi, India by Jhelum Kaushal

આ ઢાબાને પ્રસિધ્ધ કરવામાં અહીંના સ્થાનિકોનો સૌથી મોટો ફાળો છે. આ એક જોવાલાયક જગ્યા પણ છે. વળી, અન્ય જગ્યાઓની જેમ અહીં જમવાનું આવતા કલાક રાહ નથી જોવી પડતી. અને સ્વાદ તો એકદમ યમ્મી! નોર્થ ઇન્ડિયન ભાવતું હોય એવા લોકોએ અહીં આટો મારવો જોઈએ. 

બેસ્ટ ડિશ: બેંગન ભર્તા, જલેબી, રાજમા ચાવલ 

5. ગુલશન ઢાબા

Photo of Gulshan Dhaba, Grand Trunk Road, Murthal, Haryana, India by Jhelum Kaushal

મુરથલના ઢાબાઓમાં ગુલશન ઢાબા બાબાજીનો દરજ્જો ધરાવે છે. ઉંમરમાં પણ અને સ્વાદમાં પણ. દિવસેને દિવસે મોડર્ન બની રહેલી આ દુનિયામાં ગુલશન ઢાબાએ પોતાનું દેશીપણું જાળવી રાખ્યું છે. અહીંનો સ્વાદ એક વખત ચાખશો તો વર્ષો સુધી તમે યાદ કરતાં રહેશો. 

બેસ્ટ ડિશ: મકકે દી રોટી, સરસો દા સાગ, આલુ ગોબી, રાજમા 

તમારી પાસે આવા લાજવાબ સ્વાદિષ્ટ ઢાબાની લિસ્ટ છે? કમેન્ટ્સમાં જણાવો. 

.

તમારી જેવા લાખો ફરવાના શોખીન લોકોની જેમ તમે પણ Tripoto પર તમારા પ્રવાસની તસવીરો અને અનુભવો શેર કરો

મફતમાં ટ્રાવેલ કરવા માંગો છો? Tripoto પર આવી ક્રેડિટ મેળવો અને પછી તમારા આગામી પ્રવાસમાં હોટેલ બુકિંગ તેમજ વેકેશન પેકેજ મેળવો

Tripoto ગુજરાતીને ફેસબુક પર ફોલો કરવા માટે અહીં ક્લિક કરો

આ લેખ અનુવાદિત છે. મુખ્ય લેખ વાંચવા માટે અહીં ક્લિક કરો

દેશ-વિદેશના પ્રવાસ પ્રસંગો અને તમારી મુસાફરીના અનોખા અનુભવો શેર કરો, આ સિવાય અન્ય મુસાફરો ક્યાં જઇ રહ્યા છે અને તેઓ શું કરી રહ્યા છે? તે પણ જાણો. એકબીજાની સાથે ફરીએ અને એક બીજાને ગમતા રહીએ