ભારતનાં લોકો ખાવાના અને ખવડાવવાના બંનેના શોખીન છે. જો એવો મુદ્દો આવે કે ભારતમાં સૌથી સારું ખાવાનું ક્યાં મળે છે તો સ્વભાવિકપણે અનેક મત-મતાંતર થાય. પણ ગમે તે કહો, એક વાત તો સ્વીકારવી જ રહી કે સ્વાદના ચટકાની બાબતમાં દિલ્હીના લોકોને કોઈ ન પહોંચે. હવે તો દિલ્હીના રસ્તાઓ પર એટલા બધા ફૂડટ્રકસ આવી ગયા છે કે ક્યાંય પણ ઉભા રહીને તમે તમારી મનપસંદ વાનગી આરોગી શકો છો.
લેટેસ્ટ ટ્રેન્ડ છે પંજાબી ચાઈનીઝ ફૂડ. ભારતમાં ક્યાંય પણ મળતું ચાઈનીઝ ફૂડ ઓથેન્ટિક ચાઈનીઝ નથી જ, પણ ભારતીય ફ્લેવર્સ ધરાવતું ચાઈનીઝ પણ ગજબનું સ્વાદિષ્ટ હોય છે. દિલ્હીનું બેસ્ટ ચાઈનીઝ ફૂડ કયા ફૂડટ્રકસ પર મળશે તે તરફ નજર કરીએ:
1. લિટલ ડ્રેગન
ક્યાં? ડિફેન્સ કોલોની, નવી દિલ્હી
કિંમત: 300 રૂ પ્રતિ 2 વ્યક્તિ
સમય: સવારે 9.00 થી રાતે 11.00
બેસ્ટ ડિશિઝ: મારી આ ફેવરિટ જગ્યાઓમાંની એક છે. લોકોને અહીની સિંગાપુરી અને અંડા ચાઉમિન ખૂબ પસંદ પડે છે. શાકાહારી લોકો માટે તાજા શાકભાજીમાંથી બનેલા પનીર ચીલી અને સ્પેશિયલ સ્પ્રિંગ રોલ સૌથી વધુ રેકમેન્ડ કરી શકાય. મોમો અને સ્વીટ કોર્ન સૂપ પણ ઘણા સારા મળે છે.
ક્યાં? ઈસ્ટ ઓફ કૈલાશ, નવી દિલ્હી
કિંમત: 300 રૂ પ્રતિ 2 વ્યક્તિ
સમય: સવારે 11.00થી રાતે 10.00
બેસ્ટ ડિશિઝ: મસાલેદાર અને સ્વાદિષ્ટ ખાવાના શોખીનો હોય તેવા અહીં આસપાસ રહેતા લોકો નિયમિત રીતે અહીં જોવા મળે છે. અહીંની સૌથી પ્રસિધ્ધ ડિશ તો ચિકન ચાઉમિન છે પણ જો તમારે કશુંક યમ્મી ખાવું હોય તો ચીલી પોટેટો, સ્પ્રિંગ રોલ્સ, વેજ ફ્રાઈડ રાઈસ, ચીલી પનીર અને વેજ ચાઉમિન જરુર ટ્રાય કરશો.
ક્યાં? ગ્રેટર કૈલાશ (GK), નવી દિલ્હી
કિંમત: 300 રૂ પ્રતિ 2 વ્યક્તિ
સમય: સવારે 8.00થી રાતે 10.00
બેસ્ટ ડિશિઝ: સવારનો નાસ્તો હોય કે રાતનું ડિનર. આ નાનકડી દુકાન આખો દિવસ સ્વાદિષ્ટ ભોજન તમારી પ્રતિક્ષા કરી રહ્યું છે. અહીંનું ચાઈનીઝ તો બેસ્ટ છે જ, પણ લોકો અહીં ફિશ કરી અને રાજમા ખાવા પણ આવતા હોય છે. વળી, સાંજના સમયે ચા-પકોડા ખાવા માટે પણ લોકોની ભીડ જોવા મળે છે. દેખાવમાં આ જગ્યા ભલે નાની લાગે પણ આ એકાદ દાયકા જૂની દુકાન છે અને GKના લોકોમાં આ ઘણી જ લોકપ્રિયતા ધરાવે છે.
4. ગાર્ડન શેફ
ક્યાં? લોધી રોડ, નવી દિલ્હી
કિંમત: 450 રૂ પ્રતિ 2 વ્યક્તિ
સમય: સવારે 10.00થી રાતે 10.00
બેસ્ટ ડિશિઝ: જો તમે દિલ્હીના લોધી રોડ વિસ્તારની આસપાસ હોવ તો ગાર્ડન શેફ પહોંચવું ઘણું જ સરળ છે. દિલ્હીમાં આ જ નામની 3 જગ્યાઓ છે પણ આ સૌથી પ્રખ્યાત છે. અહીં મળતા તીખાં મોમોઝ અને ચીલી ગાર્લિક વારંવાર તમને અહીં આવવા મજબૂર કરી દેશે. જો મારી પસંદની વાત કરું તો મને અહીંના એગ સ્પ્રિંગ રોલ, સ્વીટ કોર્ન સૂપ અને વેજ સ્પ્રિંગ રોલ ખૂબ ભાવે છે.
5. તુરંત રેસ્ટોરાં
ક્યાં? મંડી હાઉસ, નવી દિલ્હી
કિંમત: 300 રૂ પ્રતિ 2 વ્યક્તિ
બેસ્ટ ડિશિઝ: દિલ્હીના હાર્ડસમાં વિસ્તાર મંડી હાઉસ તો આ જગ્યા માટે જ તો જાણીતો છે. ચાઈનીઝ વાનગીના શોખીનોની અહીં ખૂબ ભીડ જોવા મળે છે. નોન-વેજના શોખીન લોકો ચિકન બિરિયાની તો ખાતા જ હશે પણ અહીં ચાઈનીઝ ચિકન બિરિયાની મળે છે. મોમો, બર્ગર અને સ્પ્રિંગ રોલ્સ પણ ખૂબ જ લાજવાબ હોય છે.
6. અવંતિકા ફૂડ કોર્નર
ક્યાં? લાજપત નગર, નવી દિલ્હી
કિંમત: 200 રૂ પ્રતિ 2 વ્યક્તિ
સમય: સવારે 11.30થી રાતે 10.00
બેસ્ટ ડિશિઝ: PVR 3Cs સિનેમાની બરાબર સામે આવી આ નાનકડી રેસ્ટોરાં વિષે બહુ ઓછા લોકો જાણે છે. સાંજના સમયે કઈક ચટપટું ખાવાની ઈચ્છા થાય તો અહીંના ક્રિસ્પી ચીલી પોટેટો અને સ્ટર ફ્રાય નૂડલ્સ અવશ્ય ટ્રાય કરો. તે સૌને બહુ પસંદ પડે છે.
7. ચાઈના ટાઉન
ક્યાં? મયુર વિહાર ફેઝ 1, નવી દિલ્હી
કિંમત: 350 રૂ પ્રતિ 2 વ્યક્તિ
સમય: સવારે 11.00થી રાતે 11.00
બેસ્ટ ડિશિઝ: આ જગ્યા ખાવા અને રમવાના શોખીનો માટે ખૂબ જૂનો અને જાણીતો અડ્ડો છે. ખાસ તો મયુર વિહારમાં રહેતા લોકોની તો આ મનપસંદ જગ્યા છે. જે લોકોને દેશી ચટપટા ચાઈનીઝનો સ્વાદ પસંદ હોય તે લોકો નિયમિત રીતે અહીંની મુલાકાત રહે છે. અહીં મોમોઝ અને ચાઉમિન તો મળે જ છે, સાથોસાથ ઘણી આકર્ષક કોમ્બો ઑફર્સ પણ હોય છે. ખાસ તો અહીંના ચીલી પોટેટો, નૂડલ્સ, સ્પ્રિંગ રોલ તો ચોક્કસ ટ્રાય કરવા.
ક્યાં? હૌજ ખાસ, નવી દિલ્હી
કિંમત: 350 રૂ પ્રતિ 2 વ્યક્તિ
બેસ્ટ ડિશિઝ: દિલ્હી ફરવા આવતા લોકો માટે હૌજ ખાસ વિસ્તાર એક આગવું મહત્વ ધરાવે છે એનું કારણ છે અહીં આવેલા નાના-મોટા પુષ્કળ ફૂડઝૉન્સ. તેમાં આ ફાસ્ટફૂડ સ્ટોલ પણ સમાવિષ્ટ છે. અહીંના ફ્રાઈડ મોમોઝ ખૂબ જ લોકપ્રિય છે અને કાઠી રોલ્સ માટે પણ લાઈનો લાગે છે. હૌજ ખાસમાં રાતે પાર્ટી કર્યા પછી કશુંક ખાવું હોય તો આ બેસ્ટ જગ્યા છે. અહીંની અન્ય વિશેષતા છે: ચીલી પોટેટો, સ્વીટ કોર્ન સૂપ, નુડલ્સ.
9. ડ્રેગન હટ
ક્યાં? રોહિણી, નવી દિલ્હી
કિંમત: 250 રૂ પ્રતિ 2 વ્યક્તિ
સમય: સવારે 11.00થી રાતે 10.00
બેસ્ટ ડિશિઝ: આ જગ્યા ગોલ્ડન ફ્રાઈડ ચિકન માટે વિખ્યાત છે. અહીંના થુપકા અને ચાઉમિન પણ સ્વાદના શોખીનોને ખૂબ ભાવશે. લોકો અહીં ખૂબ મોટી સંખ્યામાં ચટપટો નાસ્તો કરવા આવે છે. આ નાનકડી દુકાન ખૂબ મોટી સંખ્યામાં ગ્રાહકોને આવકારે છે. જો તમે પણ રોહિણી વિસ્તારમાં હોવ તો આ સ્થળની મુલાકાત ચૂકશો નહિ.
.