મહારાષ્ટ્રના કોંકણમાં સુંદર નજારાઓ છુપાયેલા છે, જેના વિશે બહુ ઓછા લોકો જાણે છે!

Tripoto
Photo of મહારાષ્ટ્રના કોંકણમાં સુંદર નજારાઓ છુપાયેલા છે, જેના વિશે બહુ ઓછા લોકો જાણે છે! 1/1 by Vadher Dhara

હું મુસાફરી કરવાનો શોખીન છું અને દર વખતે નવી જગ્યાઓ શોધવાનું ચાલુ રાખું છું. જો તમે પણ સ્ટ્રોલર છો અથવા બનવા માંગો છો, તો તમારે ફરી ફરી ને એક જ સ્થળ પર ન જવુ જોઈએ. કેટલાક નવા સ્થળોએ પણ તમારુ અલ્ગારીપ્તાન બતાવવુ જોઈએ. મિત્રો, તમે પશ્ચિમ ભારતના કોંકણની સુંદરતા જોઇ છે? તમે કદાચ જાણતા ન હોવ તો કહી દવ કે અહીં બીચના સરસ નજારાઓ છે. તાજેતરમાં જ હું મહારાષ્ટ્રના રોહામાં મારા માતાપિતાને મળવા ગયેલો. આ સ્થાન ઈમેજિકા એડલાબ્સની નજીક છે અને મુંબઇથી 124 કિમી દૂર છે. તો ત્યારે મને આ સ્થાનને સારી રીતે એક્સપ્લોર કરવાની તક મળી. અને ત્યારે જ મને આ સ્થાનની સુંદરતા ખબર પડી. અહીં હું પશ્ચિમ ભારત ના કેટલાક સુંદર સ્થાનો વિશે વાત કરવાનો છું.

તમ્હિની ઘાટ

સહ્યાદ્રી રેન્જમાં એક પર્વત પૂણે અને કોંકણના વિસ્તારોમાં રસ્તો ઓળંગે છે. આ ખીણને તમહિની ઘાટ કહેવામાં આવે છે. તમે પૂણે અથવા મુંબઇથી લાંબી ડ્રાઈવ લઇને અહીં જઇ શકો છો. અહીંની સુંદરતા તમને મોહિત કરશે. તમે આ સુંદર માર્ગ પર તમામ ચિંતાઓને ભૂલી જશો. આ સુંદર માર્ગનો અનુભવ કરવા માટે તમારે આ ઘાટી સુધી ડ્રાઈવ કરીને જવું પડશે.

Photo of Kundalika Valley, Patnus, Maharashtra, India by Vadher Dhara
Photo of Kundalika Valley, Patnus, Maharashtra, India by Vadher Dhara
Photo of Roha, Maharashtra, India by Vadher Dhara
Photo of Roha, Maharashtra, India by Vadher Dhara
Photo of Diveagar Beach, Maharashtra by Vadher Dhara

કાશીદ બીચ

આ સ્થળ હવે પર્યટક સ્થળ બની રહ્યું છે. જ્યારે મેં પ્રથમ આ સ્થાનની મુલાકાત લીધી હતી ત્યારે આ સ્થાન થોડાક જ લોકોથી ભરેલું હતું. જે દરિયાના મોજા માણી રહ્યા હતા અને માછીમારો માછીમારી કરી રહ્યા હતા. આ વિસ્તાર ચારે બાજુથી સુંદર, ઊંચા વૃક્ષો અને હરિયાળીથી ભરેલો છે.

Photo of Kashid Beach, Maharashtra by Vadher Dhara

બોર્લી પંચતન

આ સ્થાન ભારતના પશ્ચિમ કાંઠે આવેલું છે. આ સ્થાન અત્યાર સુધી ખુબ ઓછુ એક્સપ્લોર થયુ છે. તમને જણાવી દઇએ કે આ સ્થાન ભારતના સૌથી સુંદર સ્થાનોમાંનું એક છે. ફક્ત આ સ્થાનો ને હજુ સરખી રીતે એક્સપ્લોર કરવામા આવ્યા નથી. અવારનવાર વિકએન્ડ એડવેન્ચર લીધે, આ સ્થાનને સારી રીતે એક્સપ્લોર કરવાની તક મળી. પ્રકૃતિની આ સુંદરતા જોઈને હું આશ્ચર્યચકિત અને મોહિત થઈ ગયો. મહારાષ્ટ્રમાં કોંકણનું આ સ્થાન જેટલું હોવું જોઈએ તેટલું વિકસિત નથી. જ્યારે તમે આ સ્થાનની મુલાકાત લેશો, ત્યારે તમને પણ તેની સુંદરતાનો અહેસાસ થશે.

Photo of Borli-panchatan Seaview, Pen, Maharashtra, India by Vadher Dhara
Photo of Aravi Beach, Aravi, Maharashtra, India by Vadher Dhara

તમે અહીં નાઈટ ટ્રેકની પણ મજા લઇ શકો છો. આ સિવાય તમ્હિનીમા સનસેટ પોઇન્ટ અને પીક પોઇન્ટ છે. તમે આ વિસ્તારની સુંદરતા જોઈને દંગ રહી જશો. આ સ્થાનનો આનંદ માણવા માટે કોઈપણ સમયે આ સ્થાનની મુલાકાત લો, માત્ર વરસાદની રૂતુમાં મુલાકાત લેવાનું ટાળો.

રોહા

આ નગર કુંડલિકા નદીના કાંઠે આવેલું છે. આ સ્થાન ચારે બાજુથી પર્વતોથી ઘેરાયેલું છે અને અહીંથી એક સુંદર નદી પણ પસાર થાય છે. પર્વત અને નદીનું દૃશ્ય આ સ્થાનને સુંદર રીતે ભરે છે. રોહા એક એવી જગ્યા છે જ્યાં તમે શાંતિપૂર્ણ વાતાવરણમાં ઘોંઘાટીયા દુનિયાથી દુર આવો છો. જો તમે આવી શાંતિ મેળવવા માંગતા હો, તો પર્વતો અને નદીની સુંદરતામાં સમય પસાર કરો. તમને આ સ્થાન ખૂબ જ ગમશે. આ સ્થાન રોહાથી 70 કિમી અંદર છે.

દિવેઆગર બીચ

આ બીચ પર તમે ઘણી પ્રવૃત્તિઓનો આનંદ માણી શકો છો. તમે અહીં ઘોડાઓ પર સવારી કરી શકો છો અને બીચ પર બેસીને ચા-પકોડાની મજા લઇ શકો છો. આ બીચ મહારાષ્ટ્રના રાયગઢ જિલ્લામાં સ્થિત છે, જે મુંબઇથી 170 કિ.મી. દૂર છે.

મેં ઘણી બધી જગ્યાઓ જોઈ છે. પરંતુ અહીંની સુંદરતા સંપૂર્ણપણે વિશેષ છે. અહીંની સુંદરતા અહીંના વાતાવરણને વધારે છે. જે તમને ખુશ કરશે. જો તમે મુંબઇ, પૂનામાં અથવા તેની નજીકમાં રહેતા હોવ, તો આવી ન જોયેલી જગ્યાઓ પર જાઓ. તમે અહીં આ સ્થાનના પ્રેમમાં પડશો.

સનસેટ પોઇન્ટ - તમ્હિની ઘાટ

Photo of મહારાષ્ટ્રના કોંકણમાં સુંદર નજારાઓ છુપાયેલા છે, જેના વિશે બહુ ઓછા લોકો જાણે છે! by Vadher Dhara

જ્યારે તમે તેને તમારી પોતાની આંખોથી જોતા હોવ ત્યારે આ સ્થાન ચિત્ર કરતા વધુ સુંદર લાગે છે. અહીં ચારે બાજુ હરિયાળી છે. જો તમે એક સારા વિકએન્ડની તલાશમા છો, જ્યાં તમે પ્રકૃતિની વચ્ચે શાંતિથી જીવી શકો; તો આ સ્થાન તમારા માટે શ્રેષ્ઠ છે. તમારે આ સ્થાનથી વધુ આગળ જવું પડશે નહીં. થોડા કલાકોમાં તમે અહીં પહોંચી શકો છો અને પછી આ સ્થાનને સારી રીતે જોઈ શકો છો.

અરવી બીચ

હરિયાળીથી ઘેરાયેલા આ બીચ પર સફેદ રેતી ફેલાયેલી છે. આ સ્થળે ત્રણ પ્રખ્યાત દરિયાકિનારા, સિરવર્ધન, હરિહરવર અને દિવાગર છે. આ સ્થાન માછીમારો અને રેતીના બબલના કરચલાથી ભરેલું છે. અહીં તમે પાણી આવતા જતા જોઈ શકો છો, સમુદ્ર કિનારે બેસીને, સૂર્યને ઉગતા અને ડૂબતા જોઈ શકો છો.

કોંકણના આ બીચ પર ઘણી સુંદર જગ્યાઓ છે જ્યાં તમે વીકએન્ડ પર જઈને પ્રકૃતિનો આનંદ માણી શકો છો. હું આશા રાખું છું કે તમને આ પોસ્ટ ગમી હશે અને કંઈક નવું જાણવા મળ્યું હશે.

તમારી જેવા લાખો ફરવાના શોખીન લોકોની જેમ તમે પણ Tripoto પર તમારા પ્રવાસની તસવીરો અને અનુભવો શેર કરો.

મફતમાં ટ્રાવેલ કરવા માંગો છો? Tripoto પર આવી ક્રેડિટ મેળવો અને પછી તમારા આગામી પ્રવાસમાં હોટેલ બુકિંગ તેમજ વેકેશન પેકેજ મેળવો.

Tripoto ગુજરાતીને ફેસબુક પર ફોલો કરવા માટે અહીં ક્લિક કરો.

આ લેખ અનુવાદિત છે. મુખ્ય લેખ વાંચવા માટે અહીં ક્લિક કરો.

દેશ-વિદેશના પ્રવાસ પ્રસંગો અને તમારી મુસાફરીના અનોખા અનુભવો શેર કરો, આ સીવાય અન્ય મુસાફરો ક્યાં જઇ રહ્યા છે અને તેઓ શું કરી રહ્યા છે? તે પણ જાણો. એકબીજાની સાથે ફરીએ અને એક બીજાને ગમતા રહીએ.