ભારતમાં આવેલા એશિયાના સૌથી સાફ ગામની સફર

આ ગામમાં 600 લોકો જ રહે છે અને બાળકોથી મંદીને વૃદ્ધો સુધી દરેક વ્યક્તિ સ્વચ્છતાનું પાલન કરે છે. આ ગામ 100 % સાક્ષરતા અને સ્ત્રી સશક્તિકરણ માટે પણ જાણીતું છે.

સ્વચ્છતા:

આ ગામમાં સ્વચ્છતા એ લોકોની જીવનપ્રણાલીમાં વણાઈ ગયેલી બાબત છે. ગામમાં શૌચાલય, બામ્બુની કચરા પેટીઓ એમ બધું જ છે અને પ્લાસ્ટિક પર પ્રતિબંધ છે. અને જે લોકો આ નિયમોનું પાલન નથી કરતા એમની પર દંડ ફટકારવામાં આવે છે. આ ગામમાં ખાતર પણ આ એકઠા થયેલા કચરામાંથી જ બનાવવામાં આવે છે. લોકો પોતાના ઘર સાથે બહારની ગલી અને રસ્તાઓ પણ સાફ કરે છે.

રહેવાવાળા લોકો:

અહીંયા ખાસી જાતિના લોકો રહે છે. આ કબીલાની સંસ્કૃતિ અલગ છે. અહીંયા બાળકને માતાનું નામ આપવામાં આવે છે અને ઘરની સંપત્તિ સૌથી નાની દીકરીના નામે કરવામાં આવે છે.

વૃક્ષોના મુળીયાના બનેલા પુલ:

માવલિનોન્ગમાં આવેલા મુળીયાના બનેલા પુલને યુનેસ્કોએ વિશ્વ ધરોહર જાહેર કાર્ય છે. આ પુલને વિશાળ વૃક્ષોના મુળીયાઓને વાળીને બનાવવમાં આવ્યા છે.

માવલિનોન્ગમાં જોવાલાયક સ્થળો

બાંગ્લાદેશનો નજારો

તમે 85 ફૂટ ઉંચા બામ્બુના બનેલા ટાવર પર ચઢીને બાંગ્લાદેશ જોઈ શકો છો. એ સુંદર નજારો જોઈને તમારી આંખો પહોળી થઇ જશે. આ ગામ બાંગ્લાદેશ બોર્ડર નજીક હોવાથી તેની જમીન અહીંથી જોઈ શકાય છે.

માવલિનોન્ગ ઝરણું

ગામડનની શાંતિને તોડતું આ ઝરણાનું સંગીત ઘણું જ મધુર છે. પીકનીક માટે આ જગ્યા બેસ્ટ છે.

માવલિનોન્ગનું સુંદર ચર્ચ

100 વર્ષ જુના આ ચર્ચની સુંદરતા ત્યાંના લાલ અને નારંગી રંગ ફૂલો વધારે છે.

સ્થાનિક પકવાન

અહીંયા પ્રાકૃતિક રીતે ઉગાવવામાં આવેલા શાકભાજીમાંથી ભોજન બને છે. જાદો એટલે કે માંસ અને ભાતનું ખાણું, તુન્ગરિમ્બાઈ એટલે સોયાબીન, વાંસ અને સ્થાનિક મસાલાનું ખાણું વગેરે ખુબ જ સરસ હોય છે.

કેવી રીતે પહોંચવું?

ચેરાપુંજી અને શિલોન્ગ આસપાસથી અહીંયા મતે બસ મળી રહે છે. શિલોન્ગ અહીંથી 78 કિમી દૂર છે જે સૌથી નજીકનું એરપોર્ટ છે. અને ગામથી 172 કિમી દૂર ગુવાહાટી એ સૌથી નજીકનું રેલવે સ્ટેશન છે.

માવલિનોન્ગ જવાનો સૌથી સારો સમય

આમ તો આખું વર્ષ સારો સમય જ છે પરંતુ ચોમાસામાં આ ગામની સુંદરતા વધુ ખીલે છે. ગામ હરિયાલીભર્યું થઇ જાય છે અને દ્રશ્ય ખુબ જ સુંદર હોય છે.

.

આ લેખ કોવિડ-19 મહામારી પહેલાં લખવામાં આવેલો છે. તેથી વાચકવર્ગને વિનંતી છે કે મુસાફરી કરતા પહેલા સ્થાનિક પ્રશાસન દ્વારા જાહેર કરવામાં આવેલા સૂચનોને ધ્યાન પર લેવા હિતાવહ છે.

તમારી જેવા લાખો ફરવાના શોખીન લોકોની જેમ તમે પણ Tripoto પર તમારા પ્રવાસની તસવીરો અને અનુભવો શેર કરો

મફતમાં ટ્રાવેલ કરવા માંગો છો? Tripoto પર આવી ક્રેડિટ મેળવો અને પછી તમારા આગામી પ્રવાસમાં હોટેલ બુકિંગ તેમજ વેકેશન પેકેજ મેળવો

Tripoto ગુજરાતીને ફેસબુક પર ફોલો કરવા માટે અહીં ક્લિક કરો

આ લેખ અનુવાદિત છે. મુખ્ય લેખ વાંચવા માટે અહીં ક્લિક કરો

દેશ-વિદેશના પ્રવાસ પ્રસંગો અને તમારી મુસાફરીના અનોખા અનુભવો શેર કરો, આ સિવાય અન્ય મુસાફરો ક્યાં જઇ રહ્યા છે અને તેઓ શું કરી રહ્યા છે? તે પણ જાણો. એકબીજાની સાથે ફરીએ અને એક બીજાને ગમતા રહીએ