આ વેરાન ગુફામાં 5 લાખ વર્ષ જુનો ખજાનો, નીકાળતા જ જતો રહેશે જીવ

Tripoto
Photo of આ વેરાન ગુફામાં 5 લાખ વર્ષ જુનો ખજાનો, નીકાળતા જ જતો રહેશે જીવ by Paurav Joshi

માનવી હજારો વર્ષોથી આ પૃથ્વી પર રહે છે, પરંતુ હજુ પણ વૈજ્ઞાનિકો પૃથ્વીના રહસ્યોને સંપૂર્ણ રીતે સમજી શક્યા નથી. દુનિયામાં ઘણી વિચિત્ર જગ્યાઓ છે (Wird Places on Earth) જે પોતાનામાં ખૂબ જ વિચિત્ર ગણાતી હોય છે. આ જગ્યાઓ પર એવા રહસ્ય છુપાયેલા હોય છે, જેના વિશે જાણવું કોઈપણ વ્યક્તિ માટે મુશ્કેલ બની જાય છે. કુદરતે બનાવેલી આ જગ્યાઓ મનુષ્યોને ફરવા માટે હોય છે, પરંતુ અહીં જવું કોઇના પણ માટે યોગ્ય નથી હોતું. આવી જ એક જગ્યા મેક્સિકોમાં છે જ્યાં જાયન્ટ ક્રિસ્ટલ (Giant Crystal Caves in Mexico) જોવા મળે છે. આ ક્રિસ્ટલ કોઇ ખજાનાથી કમ નથી, પરંતુ અહીં જવું મૃત્યુના મુખમાં જવા જેવું છે.

Photo of આ વેરાન ગુફામાં 5 લાખ વર્ષ જુનો ખજાનો, નીકાળતા જ જતો રહેશે જીવ by Paurav Joshi

મેક્સિકોના સિએરા ડી નેકા પર્વત (Sierra de Naica Mountain)ની લગભગ 984 ફૂટ નીચે, ક્રિસ્ટલના વિશાળ (Giant Crystals) પિલર એટલે કે થાંભલાના આકારના ક્રિસ્ટલ આવેલા છે, જે એક ગુફામાં છે તેથી તેનું નામ જાયન્ટ ક્રિસ્ટલ કેવ છે. વર્ષ 2000માં જ્યારે વૈજ્ઞાનિકોને તેના વિશે ખબર પડી તો તેઓ દંગ રહી ગયા કારણ કે ખોદકામ દરમિયાન પર્વતની નીચે આ અદભુત નજારો જોવા મળ્યો હતો. આ ક્રિસ્ટલ વાસ્તવમાં જીપ્સમના બનેલા હોય છે, જે કાગળ અને કાપડ ઉદ્યોગોમાં ફિલર તરીકે વપરાતું ખનિજ છે. સાથે ઇમારતો બનાવવા માટે સિમેન્ટમાં પણ તેનો ઉપયોગ થાય છે.

5 લાખ વર્ષથી પણ વધુ જૂના છે અહીંના ક્રિસ્ટલ

Photo of આ વેરાન ગુફામાં 5 લાખ વર્ષ જુનો ખજાનો, નીકાળતા જ જતો રહેશે જીવ by Paurav Joshi

તમને જાણીને નવાઈ લાગશે કે ક્રિસ્ટલથી બનેલા આ થાંભલા 5 લાખ વર્ષથી પણ વધુ જૂના છે. ઘણા તો એટલા મોટા છે કે તેમના પર સહેલાઇથી ચાલી શકાય છે. પહાડની આટલે નીચા દટાઈ જવાને કારણે તે વધતા જ રહ્યા. સાયન્સ હાઉ સ્ટફ વર્ક્સ વેબસાઈટ અનુસાર, હવે આ સ્થળની મુલાકાત લેવી અશક્ય છે, પરંતુ એક સમયે જ્યારે આ સ્થળ મનુષ્યો માટે મુલાકાત લેવા માટે ખુલ્લું હતું, ત્યારે અહીં ઘણા મૃત્યુ થયા છે. તેની પાછળનું સૌથી મોટું કારણ અહીંનું તીવ્ર ગરમ તાપમાન છે જેના કારણે આ ક્રિસ્ટલ્સ બન્યા છે.

ગરમીના કારણે લોકો મૃત્યુ પામે છે

Photo of આ વેરાન ગુફામાં 5 લાખ વર્ષ જુનો ખજાનો, નીકાળતા જ જતો રહેશે જીવ by Paurav Joshi

આ ક્રિસ્ટલની નીચે ખૂબ જ ગરમ પીગળેલા ખડકો એટલે કે મેગ્મા મળી આવ્યા હતા અને લગભગ 26 મિલિયન વર્ષ એટલે કે 20 મિલિયન વર્ષો પહેલા આ મેગ્મા તિરાડોમાંથી ધીમે ધીમે બહાર આવવાનું શરૂ થયું હતું. જ્યારે આ મેગ્મા બહાર આવ્યો ત્યારે પર્વતની રચના થઈ હતી. અને આ મેગ્મા દ્વારા ક્રિસ્ટલ્સ પણ રચાયા હતા. વૈજ્ઞાનિકોના મતે એવું બન્યું હશે કે જ્યારે મેગ્મા બહાર આવ્યો ત્યારે 98 ફૂટ ઉંચી અને 33 ફૂટ પહોળી ગુફામાં ભૂગર્ભ જળ પણ હાજર હતું. આ પાણીમાં એનહાઇડ્રાઇટ મિનરલ હતું. ગુફાનું તાપમાન 58 ડિગ્રી સેલ્સિયસથી વધુ હતું. આ તાપમાને, એનહાઇડ્રાઇટ તેના મૂળ સ્વરૂપમાં રહે છે, પરંતુ તાપમાન 58 કરતા ઓછું થતાં જ તે સ્ફટિકનો આકાર લેવાનું શરૂ કરે છે. જમીનની નીચેના મેગ્માએ ઉપરના પાણીને લગભગ 58 ડિગ્રી તાપમાનમાં રાખવાનું શરૂ કર્યું, પરંતુ તાપમાન તેનાથી વધુ વધી શક્યું નહીં. આ કારણે, આ સ્ફટિકો હજારો વર્ષો સુધી બનતા અને વધતા રહ્યા. જેના કારણે અહીં ગયેલા લોકોનું મોત નિપજ્યું હતું. એકતો તાપમાન આટલું વધારે અને બીજું, હવામાં ભેજ 100 ટકા રહે છે, જેના કારણે લોકો ડિહાઇડ્રેશનથી મૃત્યુ પામે છે.

મેક્સિકોની ગુફાની વાત તો કરી હવે ભારતની એક ગુફાની વાત કરીશું જ્યાં મૂલ્યાવાન ખજાનો દટાયેલો છે.

બિહારમાં સોન ભંડાર ગુફાઓ

Photo of આ વેરાન ગુફામાં 5 લાખ વર્ષ જુનો ખજાનો, નીકાળતા જ જતો રહેશે જીવ by Paurav Joshi

બિહારના નાલંદા જિલ્લાના રાજગીરમાં સ્થિત સોન ભંડાર ગુફા અંગે આજે તમને જણાવીશું. એવું કહેવાય છે કે આ ગુફાની નીચે અમૂલ્ય ખજાનો દટાયેલો છે. તેને લૂંટવા અંગ્રેજોએ તોપો ચલાવી પણ નિષ્ફળ ગયા.

મોર્ય શાસક બિંબિસારે બનાવી હતી ગુફા

મૌર્ય શાસક બિંબિસારે પોતાના શાસનકાળ દરમિયાન રાજગીરમાં એક મોટા પર્વતને કાપીને પોતાના ખજાનાને સંતાડવા માટે એક ગુફા બનાવી હતી. જેના કારણે આ ગુફાનું નામ સોન ભંડાર પડ્યું. આ ગુફા વિશે કહેવાય છે કે આ ગુફા સોનાને બચાવવા માટે બનાવવામાં આવી હતી. આખા ખડકને કાપીને અહીં બે મોટા ઓરડા બનાવવામાં આવ્યા હતા.

Photo of આ વેરાન ગુફામાં 5 લાખ વર્ષ જુનો ખજાનો, નીકાળતા જ જતો રહેશે જીવ by Paurav Joshi

ગુફાના પહેલા રૂમમાં જ્યાં સૈનિકોના રહેવાની વ્યવસ્થા હતી. ત્યાં, ખજાનો બીજા રૂમમાં રાખવામાં આવ્યો હતો. બીજો ઓરડો એક વિશાળ પથ્થરના ખડકથી ઢંકાયેલો છે. જે આજદિન સુધી કોઈ ખોલી શક્યું નથી.

અંગ્રેજોએ તેને તોપ વડે ઉડાડવાનો પ્રયાસ કર્યો હતો, પરંતુ તે નિષ્ફળ ગયો

Photo of આ વેરાન ગુફામાં 5 લાખ વર્ષ જુનો ખજાનો, નીકાળતા જ જતો રહેશે જીવ by Paurav Joshi

અંગ્રેજોએ તોપના ગોળા વડે આ ગુફાને બ્લાસ્ટ કરવાનો પ્રયાસ કર્યો, પરંતુ તેઓ તેમાં નિષ્ફળ ગયા. આજે પણ આ ગુફા પર તે ગોળાના નિશાન જોવા મળે છે. અંગ્રેજોએ આ ગુફામાં છુપાયેલો ખજાનો મેળવવાનો પ્રયાસ કર્યો, પરંતુ જ્યારે તેઓ નિષ્ફળ ગયા તો તેઓ પાછા ફર્યા.

અહીં 10 મીટર લાંબો રોક રૂમ છે

Photo of આ વેરાન ગુફામાં 5 લાખ વર્ષ જુનો ખજાનો, નીકાળતા જ જતો રહેશે જીવ by Paurav Joshi

સોન ભંડાર ગુફામાં પ્રવેશતા જ 10.4 મીટર લાંબો અને 5.2 મીટર પહોળો ઓરડો છે. આ રૂમની ઊંચાઈ લગભગ 1.5 મીટર છે. આ રૂમ તિજોરીની રક્ષા કરતા સૈનિકો માટે બનાવવામાં આવ્યો હતો. આ રૂમની બીજી બાજુ ડાઇનિંગ રૂમ છે. જે એક મોટા પથ્થરથી ઢંકાયેલો છે.

ખજાનો ખોલવાનું રહસ્ય શંખ લિપિમાં લખાયેલું છે

મૌર્ય શાસકના સમયમાં બનેલી આ ગુફાની એક શિલા પર શંખ લિપિમાં કંઈક લખેલું છે. આના સંબંધમાં એવું માનવામાં આવે છે કે આ ખજાનાને ખોલવાનું રહસ્ય આ શંખ લિપિમાં લખાયેલું છે.

Photo of આ વેરાન ગુફામાં 5 લાખ વર્ષ જુનો ખજાનો, નીકાળતા જ જતો રહેશે જીવ by Paurav Joshi

જૈન ધર્મના અવશેષો પણ છે.

આ સ્થળે જૈન ધર્મના અવશેષો પણ જોવા મળે છે. અહીં બીજી બાજુ બનેલી ગુફામાં 6 જૈન ધર્મના તીર્થંકરોની મૂર્તિઓ પણ ખડકમાં કોતરેલી છે. આના પરથી સ્પષ્ટ થાય છે કે જૈન ધર્મના અનુયાયીઓ પણ અહીં રહેતા હતા.

બંને ગુફાઓ ત્રીજી અને ચોથી સદીમાં બનાવવામાં આવી હતી.

બંને ગુફાઓ ત્રીજી અને ચોથી સદીમાં ખડકોને કાપીને બનાવવામાં આવી હતી. આ ગુફાઓમાંના ઓરડાઓને પોલીશ કરવામાં આવ્યા છે. આવી ગુફાઓ દેશમાં ભાગ્યે જ જોવા મળે છે.

દેશ-વિદેશના પ્રવાસ પ્રસંગો અને તમારી મુસાફરીના અનોખા અનુભવો શેર કરો, આ સિવાય અન્ય મુસાફરો ક્યાં જઇ રહ્યા છે અને તેઓ શું કરી રહ્યા છે? તે પણ જાણો. એકબીજાની સાથે ફરીએ અને એક બીજાને ગમતા રહીએ

તમારા જેવા લાખો ફરવાના શોખીન લોકોની જેમ તમે પણ Tripoto પર તમારા પ્રવાસની તસવીરો અને અનુભવો શેર કરો

મફતમાં ટ્રાવેલ કરવા માંગો છો? Tripoto પર આવી ક્રેડિટ મેળવો અને પછી તમારા આગામી પ્રવાસમાં હોટેલ બુકિંગ તેમજ વેકેશન પેકેજ મેળવો

Tripoto ગુજરાતીને ફેસબુક પર ફોલો કરવા માટે અહીં ક્લિક કરો