અહીં રાતના જોવા મળશે ઝગમગતા જંગલો, સમુદ્ર અને પહાડોનો મોહક નજારો

ઘણા બધા પ્રવાસીઓ ચોમાસાની ઋતુમાં મહારાષ્ટ્રમાં સહ્યાદ્રીના પર્વતોમાં ફરવા જવાનું પસંદ કરતાં હોય છે. અહીં ઘણી જગ્યાએ રાત્રિના સમયે જંગલોમાં ઝગમગાટ જોવા મળે છે પણ જો સૌથી વધી સુંદરતા માનવી જોય તો ભીમ શંકર વન્ય જીવ રિઝર્વમાં આવેલું એક નાનકડું આદિવાસી ગામ આ માટે આદર્શ જગ્યા છે.

ગોવા

કુદરતનો આ કરિશ્મા ગોવાના મહાદી વન્યજીવ અભયારણ્ય પણ જાણીતી જગ્યા છે. આ અભયારણ્યની ખાસ વાત એ છે કે અહીં ચોમાસામાં પણ મુલાકાતીઓને એન્ટ્રી આપવામાં આવે છે. ચોરલા ઘાટની આસપાસ પક્ષીઓનું મધુર સંગીત તેમજ દૂર વહેતા ઝરણાની કલકલ સાંભળવાની એક આગવી મજા છે.

ચમકતા સમુદ્રતટ

કહેવાય છે કે જગતના સૌથી અંધારીયા વિસ્તારોમાં બાયોલુંમિનિસેન્સ જોવા મળે છે જે રાતના સમયે ઝગમગે છે. તેને વૈજ્ઞાનિક ભાષામાં ફોસફોરેન્સ કહેવાય છે. સમુદ્રમાં બાયોલુંમિનિસેન્ટ પ્લેનકટન એવા લાગે છે જાણે દરિયામાં ચળકાટ વિખરાયેલો પડ્યો હોય. તેને ‘તારાઓથી સજેલું આકાશ’ એવી ઉપમા પણ આપવામાં આવે છે.

દક્ષિણ એશિયાની વાત કરીએ તો માલદીવના ઝગમગતા દરિયાકિનારા ખૂબ જ પ્રખ્યાત છે. અહીંના વાધુ અને રિથી નામના સમુદ્રતટ આ માટે ખાસ માનવામાં આવે છે. વાતાવરણ સારું હોય તો આ દરિયાકિનારે એકદમ ભૂરા રંગની ઝગમગાટ જોવા મળે છે.

અંદામાન

ભારતમાં મહારાષ્ટ્ર તેમજ ગોવામાં પ્રકૃતિનું અનેરું સૌંદર્ય જોવા મળે જ છે પણ તેનો શ્રેષ્ઠ નજારો અંદામાન અને નિકોબાર દ્વીપસમૂહોમાં જોવા મળે છે. સમુદ્રમાં ફેલાયેલી ઝગમગાટ જોવા માટે કાયાકિંગ નામની એક્ટિવિટી બેસ્ટ ગણાય છે. જેમ જેમ તમે હલેસાં મારીને દરિયાના પાણીમાં આગળ વધશો તેમ આ ઝગમગાટ તમારી નજીક આવતો જશે.

જાપાન

આંતરરાષ્ટ્રીય જગ્યાઓ જોઈએ તો જાપાનમાં પૂર્વીય તટવર્તી વિસ્તારોમાં ચઢાઈ કરવા એક પગદંડી જેવી જગ્યાએ આ ફૂગ જોવા મળે છે. રાત્રે ચઢાઈ કરો તો આ પગદંડીની આસપાસ રોશની ઝગમગી ઉઠે તે ખૂબ સુંદર દ્રશ્યો સર્જે છે.