સમુદ્રના કિનારે આવેલા સુંદર મંદિરો જ્યાં અધ્યાત્મ સાથે આનંદની અનુભૂતિ થાય છે

Tripoto

ભારતીય સંસ્કૃતિમાં કુદરતના વિવિધ સ્વરૂપોને પૂજવામાં આવે છે. એટલે કે કુદરતમાં પણ આપણે ઈશ્વર છે તેવી શ્રદ્ધા ધરાવીએ છીએ. તો ઈશ્વરના કોઈ એક સ્વરૂપ પાસે તેમનું જ કોઈ બીજું સ્વરૂપ મળે એ કેવું મજાનું!

આપણા દેશમાં કેટલાય મંદિરો સમુદ્ર સાથે પ્રત્યક્ષ કે પરોક્ષ રીતે સંકળાયેલા છે.

Photo of India by Jhelum Kaushal

Ocean Dayના માનમાં ચાલો આજે મારા આવા જ અનેરા મંદિરોના પ્રવાસની વાત કરીએ.

1. સોમનાથ મહાદેવ મંદિર

સૌરાષ્ટ્રે સોમનાથં ચ.. ગુજરાત રાજ્યમાં આવેલું પ્રથમ જ્યોતિર્લિંગ એ વિશ્વમાં સૌથી વધુ મુલાકાત લેવાતું શિવ મંદિર છે. જગત આખું જ્યારે આ અદભૂત મંદિરના દર્શને આવતું હોય ત્યારે આપણે સૌ ગુજરાતીઓએ એકાદ વખત તો આ મંદિરની મુલાકાત લીધી જ હશે. મેં પણ 5-7 વાર સોમનાથ મંદિરની મુલાકાત લીધી છે અને દરેક વખતે મંદિરના દર્શન કર્યા બાદ કિનારે બેસવાનો આનંદ માણ્યો છે.

અલબત્ત, સોમનાથનો દરિયો ખૂબ તોફાની છે પણ દૂરથી જ આ ઘૂઘવતાં સમુદ્રને માણવાની ખૂબ મજા આવે છે.

2. દ્વારકા મંદિર

ગુજરાતમાં યાત્રાનું નામ પડે એટલે સોમનાથ જેટલું જ મહત્વ ધરાવતું અન્ય મંદિર એટલે ભગવાન કૃષ્ણનું દ્વારકા અને એ પણ સમુદ્ર કિનારે આવેલું છે. આ પ્રાચીન મંદિરના આંગણે બિરાજતો દરિયો અનેરો છે કેમકે આ જ માર્ગે દ્વારકાથી બેટ દ્વારકા જઈ શકાય છે. શિયાળાના સમયે આ દરિયે ખૂબ સુંદર પક્ષીઓનું ઝુંડ જોવા મળે છે. મેં બે વાર આ સ્થળની મુલાકાત લીધી છે. એક વાર મને દરિયાની હોડીની મુસાફરી માફક નહોતી આવી, પણ બીજી વખત મેં સંપૂર્ણ આ દરિયાને માણ્યો હતો.

3. ગંગેશ્વર મહાદેવ મંદિર

મારા અંગત મતે દીવનું સૌથી મોટું આકર્ષણ એ આ અનેરું ગંગેશ્વર મહાદેવ મંદિર છે. શાંત પરિસરમાં કોઈ ખૂણે આવેલા પાંચ શિવલિંગ અને તેના પર સતત અભિષેક કરતાં રત્નાકરને નિહાળવો એ એક અનેરો લ્હાવો છે. દીવમાં ઘણા બીચ આવેલા છે પણ દરિયાનું જે અલૌકિક સ્વરૂપ ગંગેશ્વર મંદિર ખાતે જોવા મળે છે તે સાચે જ નિરાળું છે.

4. નિષ્કલંક મહાદેવ મંદિર

પાંચેય પાંડવોએ સ્થાપેલાં પાંચ શિવલિંગને સમુદ્ર એવી સુંદર રીતે સાચવે છે કે જો આ મંદિરે જવું હોય તો દર્શનાર્થીઓએ દરિયા પાસે અપોઇન્ટમેન્ટ લઈને જવું પડે છે. દરિયાની બાજુમાં આવેલા મંદિર તો ઘણાએ જોયા હશે, પણ આ મંદિર દરિયાની અંદર આવેલું છે!

હું મૂળ ભાવનગરની છું એટલે આ મંદિરની મેં બહુ નિયમિત રીતે મુલાકાત લીધી છે. એકાદ કિલોમીટર દરિયાની અંદર ચાલતા જઈને નાના-મોટા પાંચ શિવલિંગના દર્શન એ એક કરવા જએવો અનુભવ છે. ભાવનગર ઘણું જ નાનું શહેર છે પણ આ મંદિરનો મહિમા દેશભરના શ્રદ્ધાળુઓમાં જોવા મળે છે.

5. મુરુડેશ્વર મહાદેવ મંદિર

ભારતમાં બીજા ક્રમે સૌથી ઊંચું ગોપુરમ ધરાવતા આ મંદિરની ત્રણ બાજુએ દરિયો શોભે છે. આ ગોપુરમ તેમજ ભગવાન શિવની ભવ્ય મૂર્તિ અત્યંત આકર્ષક છે. આ મંદિરના સ્થાપનની કથા આમ તો રામાયણ સાથે સંકળાયેલી છે પણ 1991માં કોઈ ઉદ્યોગપતિ દ્વારા નવીનીકરણ કરાવીને આ મંદિરને ખૂબ જ ધ્યાનાકર્ષક બનાવે છે અને તેમાંય ઘૂઘવતો દરિયો જાણે વધારાની સુંદરતા!

આ મંદિરની મેં જુલાઇ 2020 માં મુલાકાત લીધી ત્યારે હજુ અનલોક 1 નો સમય ચાલી રહ્યો હતો તેથી મંદિરની અંદર તો ન જઈ શક્યા પણ આ ભવ્ય મંદિરની સુંદરતા અને તેની સુંદરતામાં દરિયાનો ફાળો- જોવો એ એક યાદગાર અનુભવ હતો.

Photo of Murudeshwar Temple, Karnataka, India by Jhelum Kaushal

6. રામેશ્વરમ

આ પણ એક જ્યોતિર્લિંગ. સ્વયં ભગવાન રામે જે મંદિરની સ્થાપના કરી હોય તે મંદિર કેટલું અગત્યનું કહી શકાય તે અવર્ણનીય છે!

મેં રામેશ્વરમની મુલાકાત લીધી હતી એ વાતને વર્ષોના વ્હાણા વાયા, પણ એ મંદિર એક ખૂબ જ મહત્વનું જ્યોતિર્લિંગ અને તે પણ દરિયાકિનારે આવેલું હોવાથી મારા માટે અનેરું મહત્વ ધરાવે છે.

દરિયાકિનારે આવેલા આવા જ કોઈ અન્ય ધાર્મિક સ્થળને જાણો છો? કમેન્ટ્સમાં જણાવો.

.

આ લેખ કોવિડ-19 મહામારી પહેલાં લખવામાં આવેલો છે. તેથી વાચકવર્ગને વિનંતી છે કે મુસાફરી કરતા પહેલા સ્થાનિક પ્રશાસન દ્વારા જાહેર કરવામાં આવેલા સૂચનોને ધ્યાન પર લેવા હિતાવહ છે.

તમારી જેવા લાખો ફરવાના શોખીન લોકોની જેમ તમે પણ Tripoto પર તમારા પ્રવાસની તસવીરો અને અનુભવો શેર કરો

મફતમાં ટ્રાવેલ કરવા માંગો છો? Tripoto પર આવી ક્રેડિટ મેળવો અને પછી તમારા આગામી પ્રવાસમાં હોટેલ બુકિંગ તેમજ વેકેશન પેકેજ મેળવો

Tripoto ગુજરાતીને ફેસબુક પર ફોલો કરવા માટે અહીં ક્લિક કરો

દેશ-વિદેશના પ્રવાસ પ્રસંગો અને તમારી મુસાફરીના અનોખા અનુભવો શેર કરો, આ સિવાય અન્ય મુસાફરો ક્યાં જઇ રહ્યા છે અને તેઓ શું કરી રહ્યા છે? તે પણ જાણો. એકબીજાની સાથે ફરીએ અને એક બીજાને ગમતા રહીએ

Related to this article
Weekend Getaways from Somnath,Places to Visit in Somnath,Places to Stay in Somnath,Things to Do in Somnath,Somnath Travel Guide,Weekend Getaways from Junagadh,Places to Visit in Junagadh,Places to Stay in Junagadh,Things to Do in Junagadh,Junagadh Travel Guide,Places to Visit in Gujarat,Places to Stay in Gujarat,Things to Do in Gujarat,Gujarat Travel Guide,Things to Do in India,Places to Stay in India,Places to Visit in India,India Travel Guide,Weekend Getaways from Dwarka,Places to Visit in Dwarka,Places to Stay in Dwarka,Things to Do in Dwarka,Dwarka Travel Guide,Weekend Getaways from Jamnagar,Places to Visit in Jamnagar,Places to Stay in Jamnagar,Things to Do in Jamnagar,Jamnagar Travel Guide,Weekend Getaways from Diu,Places to Visit in Diu,Places to Stay in Diu,Things to Do in Diu,Diu Travel Guide,Places to Visit in Daman and diu,Places to Stay in Daman and diu,Things to Do in Daman and diu,Daman and diu Travel Guide,Weekend Getaways from Bhavnagar,Places to Visit in Bhavnagar,Places to Stay in Bhavnagar,Things to Do in Bhavnagar,Bhavnagar Travel Guide,Places to Stay in Rameswaram,Places to Visit in Rameswaram,Things to Do in Rameswaram,Rameswaram Travel Guide,Weekend Getaways from Rameswaram,Places to Visit in Tamil nadu,Places to Stay in Tamil nadu,Things to Do in Tamil nadu,Tamil nadu Travel Guide,Weekend Getaways from Murdeshwar,Places to Visit in Murdeshwar,Places to Stay in Murdeshwar,Things to Do in Murdeshwar,Murdeshwar Travel Guide,Places to Stay in Uttara kannada,Things to Do in Uttara kannada,Uttara kannada Travel Guide,Weekend Getaways from Uttara kannada,Places to Visit in Uttara kannada,Places to Visit in Karnataka,Places to Stay in Karnataka,Things to Do in Karnataka,Karnataka Travel Guide,