Bramhtal trek - a near touch to heaven

Tripoto
26th Oct 2018
Photo of Bramhtal trek - a near touch to heaven by the beheaded panda
Day 1

Rishikesh to Lohjung

Khayalo me dooba dil abhi afsane bun hi raha tha, tabhi mere phone ka alarm baja,

Farhan ne bola kiska alarm he yrr band karo..

Lekin tab tak madhur uth chuka tha aur apna chasma pehente hue bola "sab utha jao, its already 4 am, we have to leave at 5 am for basecamp"

Hum indiahikes ke sath bramhtal trek kar rhe the aur hume rishikesh me report karne ke liye bola gya tha.

Sab taiyaar hoke breakfast collect kiye aur 5 baje hamari bus humare basecamp "lohjung ke liye rabana ho gai".

Lohjung bramhtal ke sath roopkund aur bedani bugyal ka bhi basecamp tha. Jab tak subah ki pehli kiran hamare chehre par padi hum pahado ki uchaiyo par baadlo ke beech the, bahut neechey tak chote chote ghar suraj ki roshni me motiyo ke jese chamak rahe the.

Hum devprayag, rudrapragy aur karnprayag hote hue aage ek jagah breakfast ke liye ruke, kitna khoobsurat lag raha tha ye sab, yahi to me aana chahta tha, duniya ki bheed bhaad se door pahado ke beech me. Jaha se jane ka mann na kare ,jaha duniya ki fikar na ho.

Saam 4 baje ke aaspass hum log lohjung pahuche . Waha hume indiahikes ki cofounder sandhya mam ne briefing di aur aage ke schedule ke baare me bataya.

Room alot hone ke baad hum apne room me gaye aur apna saman rakha, raat ko chay lene ke baad humari team coordinator dhanupriya mam hamare pass aai aur aage ke plan ke baare me bataya.

9 bajte hi hum sab so chuke the, pahado me raat lambi aur jaldi hoti he

view from lohjung base camp roof

Photo of Rishikesh, Uttarakhand, India by the beheaded panda

group selfie @ lohjung basecamp

Photo of Rishikesh, Uttarakhand, India by the beheaded panda

view in route to basecamp

Photo of Rishikesh, Uttarakhand, India by the beheaded panda

all the bags lying in order @lohjung basecamp

Photo of Rishikesh, Uttarakhand, India by the beheaded panda

in route to lohjung

Photo of Rishikesh, Uttarakhand, India by the beheaded panda

river ganga flowing by side all the time in route of lohjung

Photo of Rishikesh, Uttarakhand, India by the beheaded panda

view in route

Photo of Rishikesh, Uttarakhand, India by the beheaded panda
Day 2

Lohajung (7,600 ft) to Bekaltal (9,885 ft); 5 hours, 6.3 km

Ye sayad mere zindgi ki sbse sukoon bhari raat thi, dimaag saant aur ek sukoon bhari lambi neend se hume 5 baje utha diya gaya..

Hum sb fresh hoke neechey chay ke liye gaye jaha mere baaki dost mera intezar kar rahe the.

Madhur bola "tripathi chay le ,mast garam he"

Aur chay to matlab mere liye amrut he.

Mene turant poora gilaas chay se bhara aur pehla ghoot liya aur mere chehre ki haav-bhaab badal gye..

Ye lemon tea thi ????

Isko hi peeney ko lekar me parso risikesh me kabir ka majaak bana rha tha ki ye bhi koi chay he, ye to garam paani he nimbu ke saath.

Aur muje aise dekhkar sab hansne lage.

Aur mene saari chay madhur ko dedi..

Mere liye chay ka matlab dood me chaypatti aur sakkar daalke ubala gya amrut.

sooraj ki pehli kiran ke saath hum apne pehle padav(destination) ki taraf nikal chuke, lohjung ek chota sa gaav he jha kuch pakke makaan aur jaroorati samaan ki kuch dukaane he, kacche pakke makano ko paar karke humne upar ki taraf jaati hui ek pagdandi(narrow street), trek ke surubat me hi hum itna khada(steep) raasta expect nhi kar rhe the, 5-10 minute chalne ke baad hi sab buri tarah thak gaye aur shubhi to ek patthar par beth gai aur boli ki "Na ho paega", madhur ka bhi kaafi bura haal tha, dikkat ye thi ki mostly sab ka ye pehla trek tha aur physically humne koi taiyaari nhi ki thi.

dp(dhanupriya) mam ne shubhi ko thoda paani diya aur tab tak peechey se aditya maheswari sir jo iim se hi humare saath aae the, bhi aa gye aur dono ne shubhi ko thoda motivation diya, humne dheere dheere aage badna chalu kiya, jungle ke beech se gujarte hue baayi taraf khoobsurat waadiya dikh rahi thi aur daayi taraf ghane pedo ke beech me ekaek se beech beech me ek barf ki choti hume chupke se dekh rhi thi, wo mount trisul thi aur hum uski hi taraf badd rhe the.

chalte chalte ab 11 baj gaye the aur hume ek paani ka behta chota sa jharna mila, mene waha thoda muh dhoya aur jharne ka paani bhi piya, uske paani ka ek alag hi meetha swad tha, thanda aur natural.

raaste me madhur aur shubhi buri tarah thak gaye the aur unka bag mene, farhan aur arjun ne baari baari uthaya, mostly farhan aur arjun ne hi uthaya aur ek time par hum 2-2 bag lekar chal rahe the, aur teamwork muje us dinn samajh aaya. trek ke pehle humne socha tha ki hum kisi ka na saaman utahage na nakhre , specially ladkiyo ke, lakin tab samjh me aaya ki hum aise he hi nahi, humne bag bhi uthaya aur nakhre kisi ne kiye bhi nahi, kuki baat yha dosti ki thi, team ki thi, naki ldke aur ladkiyo ki.

dopehar 2 baje tak hum apne basecamp bekaltal pahuch chuke the, wha tent pehle se lage hue the aur khana taiyaar ho raha tha, par muje to bahut tez aaram karne ka mann ho raha tha, lekin pahado me ek baat maante he ki dopehar me nhi sona chaiye aur iske peeche sayad ko scientific reason bhi he,to thodi si stretching ke baad hum 10 min door bekaltal lake dekhne chale gaye.

bekaltal lake pedo(trees) se charo taraf se ghire ek bade se gaddhe ki tarah he aur kuki ye still water tha aur saare patte bhi usme hi sadd rahe the to paani behad hi ganda tha. humne lake ki kaafi burai ki aur phirr wahi lait gaye, madhur aur arjun to wahi so gye.

bapis basecamp aakar humne khana khaya, ek baat to maanni padegi ki wha upar wo simple sa veg khana bhi itni mehnat ke baad utna hi accha aur sukoon bhara taste de raha tha jitna din bhar hardwork karne ke baad ek majodoor ko saam ko ghar jaake khane me milta he.

phirr venkat sir ne hume tent lagana sikhaya jo dikhne me bahut easy tha lkin karne me kaafi tough aur hume toilet and washroom ke waare me instruction diye, wo toilet jaane ko small business aur lambi yatra ko big business bol rahe the aur hum hanse jaa rahe the, actually me wha bio toilet tha jisme paani use nhi karte he, starting me sabke nakhre the ki hum ye use nhi kar sakte , specially ladkiyo ke lekin sabke nakhre kuch waqt me rafoochakkar ho gaye.

4 baje tak suraj ki roshni pahado se chup gayi thi aur thandi bahut jyada bad gyi thi, humne saare garm kapde aur 2 jodi socks pehne aur saam ki chay pii aur thodi briefing ke baad 6 baje saam ko tent me humne apne aaj ke din ka retrospection kiya, haa jaggu jo clg me mera crush thi usko mere baaju wala tent mila, although uska boyfriend saath tha, uske tent me nhi trip me, lekin hum to dekh kar hi khus the,

8 baje humne dinner kiya , although mene farhan aur arjun ne ek hi plate me kiya baaki sab apne alag alag plate me kha rahe the lekin jab bartan dhulne ka time aaya aur wo superchill paani se raat me bartan dhoye to agle din se saare groups ek ya do plates me hi kha rahe the.

9 abje sandhaya mam madhur ka oxygen level check karne aai jo 85% tak gir gya tha, ideally 90% ke upar hona chaiye, mam ne use DIAMOX di aur phirr hum so gye.

towards bekaltal basecamp

Photo of Bramhtal trek - a near touch to heaven by the beheaded panda

bekaltal basecamp site

Photo of Bramhtal trek - a near touch to heaven by the beheaded panda

camps @bekaltal

Photo of Bramhtal trek - a near touch to heaven by the beheaded panda
Photo of Bramhtal trek - a near touch to heaven by the beheaded panda
Photo of Bramhtal trek - a near touch to heaven by the beheaded panda

chilling in bw of trekking

Photo of Bramhtal trek - a near touch to heaven by the beheaded panda
Photo of Bramhtal trek - a near touch to heaven by the beheaded panda

madhur and arjun @bekaltal lake

Photo of Bramhtal trek - a near touch to heaven by the beheaded panda

bekaltal lake

Photo of Bramhtal trek - a near touch to heaven by the beheaded panda
Photo of Bramhtal trek - a near touch to heaven by the beheaded panda
Photo of Bramhtal trek - a near touch to heaven by the beheaded panda
Photo of Bramhtal trek - a near touch to heaven by the beheaded panda

bekaltal lake

Photo of Bramhtal trek - a near touch to heaven by the beheaded panda

Bekaltal (9,885 ft) to Brahmatal (10,440 ft); 5-6 hours, 7.2 km

Raat ko lg raha tha ki madhur ke kharrato ki bajah se soya hi nahi jaega aur sath me farhan bhi halke kharrate lene laga, lekin din bhar ki thakan aur pahado ki sukoon bhari raat me bahut chain ki neend aai. subah 7 baje dhoop aai aur humne breakfast kiya,us thande paani se to paste bhi karne me haalat kharab ho gyi, aur phirr tez hawa me wo washroom ke andar lag rha tha ki kahi ye washroom ka tent udd na jaye, kher jaggu bhi paste karne aa gyi aur thande paani se mera thoda dhayan hata aur josh josh me humne muh bhi dho liye aur phirr jo chehra sunn pada ki 10 minute tak to muje lag hi nhi raha tha ki body me neck ke upar kuch part h.

breakfast karke humne chalne ko ready hue, madhur ka bag humne khacchar par dalwa diya aur baaki log apne apne bag leke aage bade.

hum chalte jaa rahe the aur photo clicks karte jaa rahe the, "tota maina"(vrunda and hemant apne me hi busy the) aur madhur kal se aur jyada thaka lag raha tha, shubhi jaroor bina bag ke kal se thoda thik lag rahi thi, 1 ghanate hum ghane cheed ke jangalo ke beech se chale aur trek thoda difficult tha aur phirr hume door khula maidaan dikhne laga. pahadi log khule maidan ko bugyal bolte he aur aise hi yha ke bahut sare treks ka naam he bedani bugyal, dayara bugyal .

beech me rukke humne saath laya hua snacks liya aur raate se apne green bag me kachra bhi ekkatha kiya, kuki ye bhi ek competition ka part tha to sab kachra collect kar rhe the . kuch 10 baje ke aaspass hum ek khule maidaan me pahuche jaha kuch camp lage hue the aur wha se barf se dhake pahad hume muskura ke hello bol rahe the, ye pahad mount nandaghunti aur mount trishul the,

hum wha 15-20 minute bethe aur dher saari pictures click ki aur phirr dp mam bolne lagi "Keep moving guys, keep moving" joki wo subah se hi bole jaa rahi thi, dp mam thoda gyan deti rehti thi beech beech me aur sbse aage bahut tez chalti thi aur phirr thak ke beth jaati thi aur phirr sab unse aage nikal jate the , phirr wo sabse peeche wale ko "keep moving guys, keep moving " kehkar gyan deti thi. dp mam thodi annoying lag sakti he unka description padke lkin wo bahut helpful aur caring thi.

1 ghante pahado ke bilkul edge par chalte hue neechey dekhte hue bahut darr lag raha tha aur ek ghante baad hum jhandi top pahuche, jaha kuch jhandiya bamboo stick ke upar tangi thi aur tez hawa se kaafi udd rhi thi, waha humne bahut saare pics click kiye aur yaha se aage hume neeche utarna tha 1 ghante bramhtal lake base camp ke liye jo bahut hi difficult nikla,kuki hume waha jake khud camp lagane the jo competition ka part tha to me and farhan aage nikal gaye aur tez chal rahe the, matlab itne aage ki humse aage koi ni tha aur ek time ke baad to hume peechey bhi log dikhna band ho gya aur sach batau to ye itna sukoon bhara tha ki jo sukoon jab bachpan me maa 2 din baad kahi bahar se bapis aati he na aur tum jhat se gale lag jaate ho, bas kuch baisa hi. charo taraf door dikhte pahad aur maidano me chalte hum, patthro se utarna thoda difficult hua lekin 12 baje me aur farhan bramhtal base camp pahuch gaye, itna pehele ki khacchar tent leke bhi nhi aae the to hum lagate kya, hum thoda aaram se bethe aur tent aate hi humne 15 minute me apne 3no tent laga diye .

tab tak saari teams aa gayi aur humne wahi dp mam ki stretching chalu aur phir hum thoda bethe, aur pata nhi ku vrunda rone lagi, sayad use family ki yaad aa rahi thi kuki network na hone ki bajah se(jo mere liye sabse jyada sukoon bhari chij thi, 2 days and not a single notification or call) kisi ne ghar par baat nhi ki thi, dp mam ne use hug kiya aur wo dono baate karte karte thoda door chali gyi.

abhi tak hum samajh gaye the ki kaha kaunse bahane banane he, aur lunch karke me and madhur headache ka bahana karke tent me so gye, 1 ghante aaram kiya aur aaj kuki khana banane ka competition tha to uthke humne samaan collect kiya aur menu decide kiya, hum tadka daal, rice, aalo tamatar ki sabji bana rahe the. mene daal banane ki jimmedari li aur vrunda ne sabji ki, rice aur rice ki kheer farhan banane wala tha jise abtak sb expert maante the cooking me kuki ek to wo zomato me review kaafi karta rehta tha aur dusre wo eid par ghar se sewaiye ki kheer bana ke laya tha jo bahut hi shandaar thi.

har kitchen tent me 2 group the, aur luckily humare camp me dusra group jaggu ka tha, bas ab to alag hi maje aane wale the, aur sabse acchi baat ki kisi ko pta nhi tha ki me cook kar leta hu to kisi ko expectation nhi the, aur bina expectation ke kaam karna kaafi relaxing hota he. vrunda tomato chop kar rahi thi aur mene dal pakane chada di, shubhi pass me bethi thi aur baato batao me vrunda se kuch kaha suni hui aur wo tent se uthke bahar chali gayi, madhur dryfruits tod raha tha, saam tak andhera hone laga aur humne garm kapde pehen liye, daal me mene double tadka maara, ek simple pyaj tamatar ka tadka aur dusra rajashani khadi laal mirch ka tadka, vrunda ne bhi sabji taiyaar kar li thi, farhan ki kheer thodi beerbal ki khichdi ho rahi thi, actually me humne pan ke dhoke me roti rakhne wala bartan le liye aur farhan ne bhi banate time dhayan nhi diya aur dusra height par rice dheere pakta he, 1 ghante se kheer gas par thi aur ek daana bhi nhi paka tha, farhan bechare ka mood off ho gaya, although uski koi galti thi nhi bas humne thoda dhyan nhi diya.

venkat sir, sandhya mam aur aditya sir, aur baaki log baari baari taste karne aae aur dal to bhaiya bahut hi amazing bani thi, apne muh se miya mitthu nahi ban rha hu, yee sabka kehna tha taste karne ke baad aur muje bahut accha lga , sabji thodi se teekhi ho gyi aur kheer to paki hi nhi last tak, kabir, surbhi aur baaki sabne khana bahut acche se present kiya aur hum 3rd aae.

raat me humne stargazing ki aur aasman itna saaf tha ki milky way dikh raha tha, toot-te taare bhi dikh rahe the. phirr hum retrospection karke so gaye. kuki hum 7 ladke aur 2 ladkiya thi to arjun ko shubhi aur vrunda ke saath tent me sona pada aur humne kaafi maje liye phirr arjun ke.

in route to bramhtal basecamp

Photo of Bramhtal trek - a near touch to heaven by the beheaded panda

trekking in paradise

Photo of Bramhtal trek - a near touch to heaven by the beheaded panda

at one good clicking point

Photo of Bramhtal trek - a near touch to heaven by the beheaded panda

view????????????

Photo of Bramhtal trek - a near touch to heaven by the beheaded panda

farhan ki kheer ????????

Photo of Bramhtal trek - a near touch to heaven by the beheaded panda

food we made ????

Photo of Bramhtal trek - a near touch to heaven by the beheaded panda

"Himalayan Outbound Program"

Photo of Bramhtal trek - a near touch to heaven by the beheaded panda
Photo of Bramhtal trek - a near touch to heaven by the beheaded panda

open place for camping

Photo of Bramhtal trek - a near touch to heaven by the beheaded panda
Photo of Bramhtal trek - a near touch to heaven by the beheaded panda
Day 4

Brahmatal (10,440 ft) to Brahmatal Top (12,250 ft) and on to Khorurai (9,160 ft); 8 hours, 7.5 km

subah 6 baje hum uthe aur apna tent pack kiya aur apna kuch saman madhur ke bag me dala kuki yha se ab aage trek thoda difficult tha aur uski condition dekhkar lag nhi raha tha ki wo upar jaa paega, to wo yha se bapis neechey jaa raha tha aur hum aage ke trek ke liye.

breakfast karkr humne chalna chalu kiya aur 10 min ki distance par bramhtal lake thi, yha paani kaafi clear tha aur ye clean bhi thi ,humne bahut saari pics click ki aur aage bade, thoda upar chadke baha se bramhtal lake bahut sundar lag rahi thi.

phirr jangalo ke beech se hote hue hum khule maidano se nikalar chalte rahe , mount trisul aur nandghunti paas aate jaa rahe the, lekin kuch waqt baad wo dikhna band ho gaye aur hum pahado ke beech aa gye.

aur thoda chadne ke baad bahut hi khoobsurat najara tha aur utna hi darawana bhi, ye ek pass type ka tha jiske kinare se hume jana tha aur ek galt kadam bhagwan ke kareeb se darshan kara sakta tha..

kher venkat sir sath the aur hum chalte rahe aur 12 baje hum bramhtal top par the

humne waha rest kiya aur us behad sukoon bhare pal ko palko me qaid kiya,koi kuch nhi bol raha tha, bilkul saanth aur saamne behad khoobsurat najara, jese mount trishul aur nandghunti humare hi intezar me the, aur bina bole hi hum dher saari baate kar rahe the, wo vishal pahad hume aehsaas kara rhe the ki hum kitna chota sa part he is duniya me, aur hum sochte he ki humi sab kuch he, wo pahad jese keh rahe the ki itna bada hoke bhi hum kitne saant aur sahaj he aur tume itna chote hoke bhi kitne selfish ho, nature hume kitna kuch nhi deta aur badle me hum use kitna use karte he .

1 ghante se jyada hum wha bethe aur phirr humne neeche utarne ko taiyaar hue, raasta kaafi sakra tha aur 4 din pehle barf padne ki bajah se kaafi fislan thi aur ye kaafi jyada downward steep tha, indiahikes ke logo ki help se hum neeche utrne lage, bahut jyada hi darr lag raha tha kuki neeche bahujt jyada gehri ghati thi aur ek galti mere pehle trek ko mera aakhiri trek bana sakti thi, kher difficult paart bs 10 minute ka tha jise humne paar kiya aur hum neeche utarne lge, jaggu aage jaa rhi thi, aur dp mam saath, dp mam bahut gyan de rhi thi ki stick pahad ki surface taraf rakho, baby steps lo, aise chalo aur wese chalo, aur wo 2 bar giri, aur meri bahut tez hansi nikal gyi, jab humne uthaya to boli aree yhi memories to yaad aaegi.

hum neechey chale hi jaa rhe the aur kabhi bhi kisi indiahikes walo se poocho ki kitna aur bacha he to bole ki bs aadha ghanta aur , aur aisa karte karte 3 ghante ho gaye. aur hum pahuche khorurai basecamp jo abtak ka sabse beautiful basecamp tha, kuki pichli 2 campsite hawa se bachne ke liye aisi jagah thi to aaspass chote pahado se ghiri ho to natural view block tha, yha se tent se hi seedha mount trishul aur nandaghunti dikh rhe aur hum edge pr the, behad hi khoobsurat.

lunch krne tak 4 baj gaye the aur suraj ki roshni hum tak aana band ho gyi thi. saam ko saare groups ka ek performance tha jo competition cum bonding, memories ka part tha, me tent se akela nikal kar thoda door ek edge par jaake beth gya, peeche ek pahadi tareeke ka purana ghar bana hua tha jisme taala lga tha. me sochta tha ki kitne lucky hote hoge log jo pahado me paida hote he, clean air, snowy mountain aur nature ke beech rahte he, lekin yha aake samajh aaya ki utni hi paresaniyan bhi hoti, kharab road connectivity, less power connectivity aur kam nakriya.

phirr mene saam ke liye ek poem likhni chalu ki aur ek standup bhi taiyaar kiya, ye pehli bar tha jab me iimi ke logo ke saamne standup de raha tha, isse pehle college and school me kaafi stage performance diye he. to stage fear to bilkul nahi tha, bass thoda darr to rehta hi h.

mere group se aur kisi ne kuch taiyar nhi kiya tha , bas kabir ne ek poem likhi thi to hum utna competition ke hisaab se nhi perform karne wale the, pehle group ne nature ko leke kuch dance jesa kiya, phirr dusre group ne kuch chota play type ka kiya.

humari bari aai to kabir ne suru kiya aur phirr mene standup diya jiske starting me hi mene indiahikes walo ke upar sarcastic comment kiya jo pehle din ke over competitive spirit ke karan mere bad experience se related tha. " Himalaya aaya tha sukoon ki talash me, sukoon se logo ne bethne bhi nhi diya", sab khoob hanse aur venkat sir, sandhaya mam bhi hanse jaa rhe the, phirr mene venkat sir ke small , big business par joke maare ki koi dhandha chota nhi hota aur dhandhe se bada koi dharm nhi hota, kaafi amaj aaya. sab log once more chilla rahe the. phirr mene apni poem sunai aur sabne kaafi talliya bajai.

last me venkat sir, mam and other trek cordinators ne gaane sunae, kaafi sahi night thi wo, phirr hum so gaye apni aakhiri campsite par is year ki aakhiri sabse shi night ke baad.

Photo of Bramhtal trek - a near touch to heaven by the beheaded panda

narrow trek

Photo of Bramhtal trek - a near touch to heaven by the beheaded panda
Photo of Bramhtal trek - a near touch to heaven by the beheaded panda
Photo of Bramhtal trek - a near touch to heaven by the beheaded panda

bramhtal lake

Photo of Bramhtal trek - a near touch to heaven by the beheaded panda

bramhtal lake

Photo of Bramhtal trek - a near touch to heaven by the beheaded panda

full team of iimi

Photo of Bramhtal trek - a near touch to heaven by the beheaded panda

snow in between causing difficulty

Photo of Bramhtal trek - a near touch to heaven by the beheaded panda

chilling @top

Photo of Bramhtal trek - a near touch to heaven by the beheaded panda

freedom @top

Photo of Bramhtal trek - a near touch to heaven by the beheaded panda

pahadi house @ basecamp

Photo of Bramhtal trek - a near touch to heaven by the beheaded panda

in route of trekking, long grasses

Photo of Bramhtal trek - a near touch to heaven by the beheaded panda
Photo of Bramhtal trek - a near touch to heaven by the beheaded panda

@ bramhtal lake

Photo of Bramhtal trek - a near touch to heaven by the beheaded panda
Photo of Bramhtal trek - a near touch to heaven by the beheaded panda

@ jhandi top

Photo of Bramhtal trek - a near touch to heaven by the beheaded panda
Photo of Bramhtal trek - a near touch to heaven by the beheaded panda
Photo of Bramhtal trek - a near touch to heaven by the beheaded panda
Day 5

Khorurai (9,160 ft) to Lohajung (7,600 ft); 3-4 hours, 3km

agle din hum apni sabse khoobsurat tent site me se uthe aur cover kholte hi saamne barf se dhake pahad suraj ki roshni me laal chamak rahe the ,aur phirr snow peak golden ho gayi, bahar nikalkar jii bhar ke pehle ek bar sab dekha aur phirr chay pii.

7 baje hum wha se rabana hue aur ek gaon ke beech ae gujre, yha ek jharna bhintha jha humne kuch waqt bitaya aur phirr main road se gaadi se lohjung ke liye nikal gaye

raste me land slide tha to humne khud se hi jeep se utarke kaafi neechey jaake fisalti mitti me crossing ki, kaafi exiting tha wo, phirr lohjung pahuchke rest kiya aur saam ko winner ki list me hum 3rd aae, last night ki performance me hum first aae the aur pehle din 4th aane ke baad lag nhi rha tha ki hum top 3 me aa paenge lekin, lekin thanks to humari teamwork for next days trek, hum finally 3rd aa gye

ye lifetime ka best experience tha, pahado ke beech 5 din bitana bina mobile network aur duniyadari ke chinta ke.

Photo of Bramhtal trek - a near touch to heaven by the beheaded panda

waterfall in landslide

Photo of Bramhtal trek - a near touch to heaven by the beheaded panda

himalyan village

Photo of Bramhtal trek - a near touch to heaven by the beheaded panda

basecamp dinner

Photo of Bramhtal trek - a near touch to heaven by the beheaded panda

climbing through landslide

Photo of Bramhtal trek - a near touch to heaven by the beheaded panda

Himalayan village

Photo of Bramhtal trek - a near touch to heaven by the beheaded panda

jharne ke beech

Photo of Bramhtal trek - a near touch to heaven by the beheaded panda

sunset

Photo of Bramhtal trek - a near touch to heaven by the beheaded panda

camp @ basecamp

Photo of Bramhtal trek - a near touch to heaven by the beheaded panda
Photo of Bramhtal trek - a near touch to heaven by the beheaded panda
1 Comment(s)
Sort by:
Sun 10 27 19, 10:59 · Reply · Report